ಮೂಲ: ಲಾವೋ ತ್ಸು | ಕನ್ನಡಕ್ಕೆ : ಚಿದಂಬರ ನರೇಂದ್ರ
ಅನ್ಯರಿಗೆ ಕಲಿಸಬಹುದಾದ ತಾವೋ
ಅನನ್ಯ ಹೇಗಾದೀತು?
ಹೆಸರನ್ನು ಕಟಕಟೆಯಲ್ಲಿ ನಿಲ್ಲಿಸಬಹುದಾದರೆ
ಆ ಹೆಸರು ಕಳ್ಳ ಹೆಸರಲ್ಲವೇ?
ಹೆಸರಿಲ್ಲದ್ದು ಮಾತ್ರ ಅನನ್ಯ;
ಹೆಸರೇ ಸಂಕಟಗಳ ಮಹಾತಾಯಿ.
ಕಳಚಿದಾಗ ಕಂಗೊಳಿಸುವ ಅವ್ಯಕ್ತ
ಹೊದ್ದಾಗ ಮಾತ್ರ ದಾರಿ ತಪ್ಪಿಸುವ ವ್ಯಕ್ತ;
ವ್ಯಕ್ತ, ಅವ್ಯಕ್ತ ಇಬ್ಬರೂ ಕತ್ತಲೂರಿನ ವಾರಸದಾರರು.
ಕತ್ತಲೆ,
ಕಣ್ಣಿಗೆ ಪಟ್ಟಿ ಕಟ್ಟಿಕೊಂಡಾಗಲೇ ತೆರೆದುಕೊಂಡ ಬೆಳಕಿನೂರಿನ ದಾರಿ.
