ಕುಂಡಲಕೇಶಿ ಗಂಡನನ್ನು ಕೊಂದಿದ್ದೇಕೆ? : ಅರಹಂತೆಯೊಬ್ಬಳ ಕಥೆ

ಕುಂಡಲಕೇಶಿ ಗಂಡನ ಕೈಹಿಡಿದು ಬರಿಗಾಲಲ್ಲಿ ಬೆಟ್ಟ ಹತ್ತುತ್ತಾಳೆ. ಏರಿ ನಿಂತು, ಪ್ರೇಮ ಸಾಫಲ್ಯದ ಉತ್ತುಂಗದಲ್ಲಿರುವಂತೆ ಸಾರ್ಥಕತೆ ಅನುಭವಿಸುತ್ತಾಳೆ. ಕಳ್ಳ ಆಕೆಯನ್ನು ತಬ್ಬಿಕೊಂಡು ತುದಿಯತ್ತ ಒಯ್ಯುತ್ತಾನೆ. ಆದರೆ… ~ ಚೇತನಾ ತೀರ್ಥಹಳ್ಳಿ   ರಾಜಗೃಹದ ಶ್ರೀಮಂತ ವರ್ತಕನಿಗೆ ಹದಿಹರೆಯದ ಮಗಳೊಬ್ಬಳಿದ್ದಳು. ಅವಳು ಬಹಳ ಚೆಲುವೆ, ಚುರುಕಿನ ಹೆಣ್ಣು. ಹೆಸರು – ಕುಂಡಲಕೇಶಿ. ನಗರದ ಮುಖ್ಯ ಬೀದಿಯಲ್ಲಿದ್ದ ಆ ಶ್ರೀಮಂತನ ಅರಮನೆಯ ಏಳನೇ ಉಪ್ಪರಿಗೆಯಲ್ಲಿ ಅವಳ ವಾಸ. ಅವಳ ಪಾದಗಳು ಯಾವತ್ತೂ ನೆಲ ಸೋಕಿದ್ದೇ ಇಲ್ಲವೆನ್ನುವಷ್ಟು ಸುಖದ ಬದುಕು. ಒಮ್ಮೆ ಕುಂಡಲಕೇಶಿ […]

ಚಾತಕ ಪಕ್ಷಿಯ ಪ್ರೇಮ ಪ್ರತಿಜ್ಞೆ : ಒಂದು ಸುಂದರ ಪಾಠ

ಇದು ಚಾತಕದ ಪ್ರೀತಿ. ಇದು ಚಾತಕದ ಪ್ರೇಮ ನಿಷ್ಠೆ. ಚಾತಕ ಪಕ್ಷಿ ಗಂಡಾಗಿದ್ದರೂ ಹೆಣ್ಣಾಗಿದ್ದರೂ ಪ್ರೇಮದ ಪರಿಭಾವದಲ್ಲಿ ಅದು ಹೆಣ್ಣು, ಮೇಘ ಗಂಡು. ಸ್ತ್ರೈಣತೆ ಇದ್ದಲ್ಲಿ ಮಾತ್ರ ಪ್ರೇಮದ ಉತ್ಕಟತೆ ಅನುಭವಿಸಲು, ಅಭಿವ್ಯಕ್ತಪಡಿಸಲು ಸಾಧ್ಯ ~ ಚೇತನಾ   ನಮಗೆ ದೀಪ – ಪತಂಗದ ರೂಪಕ ಗೊತ್ತು. ಪ್ರೇಮ ಮತ್ತು ಪ್ರೇಮಿಯ ವಿಷಯದಲ್ಲಿ ಇದನ್ನು ಬಳಸೋದು ಸಾಮಾನ್ಯ. ಹಾಗೇ ನಾವು ಚಾತಕದ ಬಗ್ಗೆಯೂ ಕೇಳಿದ್ದೇವೆ. ಆದರೆ ಚಾತಕದ ಪ್ರೇಮರೂಪಕ ಗೊತ್ತೇ? ಅದು ಪತಂಗ – ದೀಪದ ರೂಪಕಕ್ಕಿಂತಲೂ ಸುಂದರವಾಗಿದೆ. […]

ಮೂರ್ಖ ರಾಜನ ಹೊಟ್ಟೆ ಕಿಚ್ಚು: ಒಂದು ದೃಷ್ಟಾಂತ ಕಥೆ

ಈ ಕಥೆ ಓದಿದ ಮೇಲೆ ನಿಮಗೆ ನಿಮ್ಮನ್ನೂ ಹೀಗೇ ಕಾಡುವ ಹೊಟ್ಟೆಕಿಚ್ಚಿನ ರಾಜನಂಥವರ ನೆನಪಾಗಬಹುದು. ಹಾಗಂತ ಈ ಕಥೆಯ ಮತ್ತೊಬ್ಬ ರಾಜನಂತೆ ನೀವು ಸಜ್ಜನರೋ ಧರ್ಮಭೀರುಗಳೋ ಆಗಿದ್ದೀರಿ ಎಂದಲ್ಲ. ನಿಮ್ಮ ಬದುಕು, ನಿಮ್ಮ ಅಂತ್ಯ ಹೇಗಿರಬೇಕೆಂದು ನಿರ್ಧರಿಸುವವರು ನೀವೇ. ಯಾವ ರಾಜನ ಉದಾಹರಣೆ ಅನುಸರಿಸುತ್ತೀರೋ, ನೀವೇ ಆಯ್ಕೆ ಮಾಡಿಕೊಳ್ಳಿ! ~ ಚೇತನಾ ಒಂದಾನೊಂದು ಕಾಲದಲ್ಲಿ ಒಬ್ಬ ರಾಜ. ಅವನ ಪಕ್ಕದ ರಾಜ್ಯದಲ್ಲಿ ಮತ್ತೊಬ್ಬ ರಾಜ. ಈ ರಾಜನಿಗೆ ಯಾವಾಗಲೂ ಆ ರಾಜನ ಮೇಲೆ ಕಣ್ಣು. ಅವನ ಮೇಲೆ […]

ವಾಚಸ್ಪತಿ ಮತ್ತು ಭಾಮತಿ ~ ಒಂದು ಪ್ರಾಚೀನ ಪ್ರೇಮ ಕಥೆ

ವಾಚಸ್ಪತಿಯ ಕಣ್ಣಲ್ಲಿ ನೀರಾಡಿದವು. ಅವನೊಮ್ಮೆ ಹೆಂಡತಿಯನ್ನು ಗಟ್ಟಿಯಾಗಿ ತಬ್ಬಿ ಎದೆಗೆ ಅವುಚಿಕೊಂಡ. ತಲೆ ನೇವರಿಸಿದ. ಮತ್ತೆ ಕಣ್ಣೀರಿನ ಖೋಡಿ ಹರಿಯಿತು ~ ಚೇತನಾ ತೀರ್ಥಹಳ್ಳಿ ವಾಚಸ್ಪತಿ ಮಿಶ್ರ ಪ್ರಕಾಂಡ ಪಂಡಿತ. ಅದ್ವೈತ ವೇದಾಂತಿ. ಅಧ್ಯಯನ, ಬರಹ ಮತ್ತು ಸಾಧನೆಗಳೇ ಅವನ ಪ್ರಪಂಚ. ಒಮ್ಮೆ ಈತ ಆದಿ ಶಂಕರರ ಬ್ರಹ್ಮಸೂತ್ರಗಳಿಗೆ ಭಾಷ್ಯ ಬರೆಯಬೇಕೆಂದು ನಿರ್ಧರಿಸಿ ಕುಳಿತ. ಹೀಗೆ ಕುಳಿತನೆಂದರೆ ಅದೊಂದು ಬಗೆಯ ತಪಸ್ಸು. ಅದು ಬರೆದು ಮುಗಿಯುವವರೆಗೂ ಆತನಿಗೆ ಬೇರಾವ ಯೋಚನೆ ಬರಲು ಸಾಧ್ಯವೇ ಇಲ್ಲ. ಅಷ್ಟು ತನ್ಮಯತೆ. […]

ಕಾಲವೆಂಬ ಭ್ರಮೆ, ಕಾಲವೆಂಬ ವಾಸ್ತವ : 2019ರ ಶುರುವಾತಿಗೆ ಶುಭಾಶಯ

ವಾಸ್ತವದಲ್ಲಿ ಕಾಲ ಕಳೆಯುವುದಿಲ್ಲ. ಎರಡು ತುದಿಗಳ ನಡುವೆ (ಅಥವಾ ನೇರವಾಗಿ) ಸಾಗುವುದಕ್ಕೆ ಒಂದು ಅಂತ್ಯವಿದೆ. ಅನಂತವೇ ಆಗಿದ್ದರೂ, ಅದಕ್ಕೊಂದು ಅಂತ್ಯದ ಸಾಧ್ಯತೆ ಇದೆ. ವೃತ್ತ ಅಥವಾ ಚಕ್ರದಲ್ಲಿ ಹಾಗಲ್ಲ. ಅದು ಕೊನೆಯೇ ಇಲ್ಲದ ಸುತ್ತು. ಯಾವುದಕ್ಕೆ ಕೊನೆಯಿಲ್ಲವೋ ಅದು ಕಳೆಯುವುದು ಹೇಗೆ!? ~ ಚೇತನಾ ತೀರ್ಥಹಳ್ಳಿ ಮತ್ತೊಂದು ವರ್ಷ ಹೊಸ್ತಿಲಲ್ಲಿದೆ. ಯಾರ ಲೆಕ್ಕಾಚಾರದ ಪ್ರಕಾರವೋ, ಯಾವ ಸಂಸ್ಕೃತಿಯ ಪ್ರಕಾರವೋ… ಒಟ್ಟು ನಾವು ನೀವೆಲ್ಲ ದಿನದಿನದ ಬದುಕಿಗೆ ಆಧರಿಸಿರುವುದು ಈ ಕ್ಯಾಲೆಂಡರನ್ನು. ಯಾರು ಒಪ್ಪಿದರೂ ಬಿಟ್ಟರೂ ವ್ಯಾವಹಾರಿಕವಾಗಿ ಕ್ಯಾಲೆಂಡರ್ […]

ಸ್ತ್ರೀಶಕ್ತಿಯ ಮೂರ್ತ ರೂಪ : ಶ್ರೀಮಾತೆ ಶಾರದಾ ದೇವಿ

ಇಂದು (ಡಿ.22) ಶ್ರೀಮಾತೆ ಶಾರದಾದೇವಿಯವರ ಜಯಂತಿ. ಭಾರತದ ಆಧುನಿಕ ಆಧ್ಯಾತ್ಮಿಕ ಯುಗದ ಪ್ರೇರಕ ಶಕ್ತಿಯಾಗಿ, ಒಂದು ಪರಂಪರೆಗೆ ಮಾರ್ಗದರ್ಶನ ನೀಡಿ ಮುನ್ನಡೆಸಿದ ಧೀಮಂತ ಶಕ್ತಿ, ಶ್ರೀಮಾತೆ.  ~ ಚೇತನಾ ತೀರ್ಥಹಳ್ಳಿ ಪವಿತ್ರಂ ಚರಿತಂ ಯಸ್ಯಾಃ ಪವಿತ್ರಂ ಜೀವನಂ ತಥಾ | ಪವಿತ್ರತಾ ಸ್ವರೂಪಿಣ್ಯೈ ತಸ್ಯೈ ಕುರ್ಮೋ ನಮೋನ್ನಮಃ – ಯಾರು ಪವಿತ್ರವಾದ ಚಾರಿತ್ರ್ಯವನ್ನು ಹೊಂದಿರುವಳೋ ಪವಿತ್ರವಾದ ಜೀವನವನ್ನು ನಡೆಸಿರುವಳೋ ಸ್ವತಃ ಪಾವಿತ್ರ್ಯವೇ ಆಗಿದ್ದಾಳೆಯೋ ಆಕೆಗೆ ಶಿರಬಾಗಿ ನಮಿಸೋಣ… ಶ್ರೀಮಾತೆ ಶಾರದಾ ದೇವಿ ಎಂದ ಕೂಡಲೆ ಕಣ್ಮುಂದೆ ಹಾಯುವುದು ಅವರ […]

ಲಲ್ಲಾ ಪದ್ಯ : ದುಃಖವನೂ ಬಲ್ಲೆ ನಾನು, ದೇವರನೂ ಬಲ್ಲೆ!

ಹೆಸರು ಕೀರ್ತಿಗಳ ಹಂಗಿಲ್ಲ ನನಗೆ, ಸುಖ ಸಂಪದವೂ ಬೇಕಿಲ್ಲ; ಲಾಭವರಸಿ ಬಂದೆನೆಂದು ತಿಳಿಯದಿರಿ ಮತ್ತೆ! ತುತ್ತಿನ ತೂಕ ಬಲ್ಲೆ ನಾನು, ಹಸಿವೆಯನೂ ಬಲ್ಲೆ. ದುಃಖವನೂ ಬಲ್ಲೆ; ನಾನು ದೇವರನೂ ಬಲ್ಲೆ. ಮೂಲ ಪದ್ಯ : ಲಾಲ್ ಡೇಡ್ | ಕನ್ನಡಕ್ಕೆ : ಚೇತನಾ ತೀರ್ಥಹಳ್ಳಿ  

ಮೃತ್ಯು ಬಂದು ಶವಪೆಟ್ಟಿಗೆ ತೆರೆದಾಗ… : ಸೂಫಿ ಅತ್ತಾರ್ ನಿಶಾಪುರಿ ಪದ್ಯ

ಮೂಲ: ಫರೀದುದ್ದೀನ್ ಅತ್ತಾರ (ಅತ್ತಾರ್ ನಿಶಾಪುರಿ) | ಕನ್ನಡಕ್ಕೆ: ಚೇತನಾ ತೀರ್ಥಹಳ್ಳಿ ನಿರ್ಜೀವ ರಾತ್ರಿಯಲಿ ಸೂಫಿ ಬಿಕ್ಕಿದ; “ಜಗತ್ತು ಶವಪೆಟ್ಟಿಗೆ, ಜನರು ಬಂಧಿ; ಮೂರ್ಖತನವೇ ಬದುಕಾಗಿ ವಿನಾಶದ ಹಾದಿ ತುಳಿಯುತ್ತಿದ್ದಾರೆ! ಮತ್ಯು ಬಂದು ಪೆಟ್ಟಿಗೆ ತೆರೆದಾಗ ರೆಕ್ಕೆ ಮೂಡಿದವರೆಲ್ಲ ನಿತ್ಯತೆಗೆ ಹಾರಿ ಹೋಗುವರು; ಇಲ್ಲದವರು, ಹುದುಗಿ ಹೋಗುವರು ಇಲ್ಲೇ ಶಾಶ್ವತವಾಗಿ. ಕಾಲಹರಣ ಮಾಡಬೇಡಿ, ಓ ನನ್ನ ಗೆಳೆಯರೇ! ಶವ ಪೆಟ್ಟಿಗೆಯ ಮುಚ್ಚಲ ತೆಗೆಯುವವರೆಗೆ, ದೇವಲೋಕಕೆ ಹಾರಲು ದಾರಿ ಮಾಡಿಕೊಳ್ಳಿ; ನಿಮ್ಮ ನಿಮ್ಮ ಪಕ್ಕೆಗಳಲ್ಲಿ ಅರಿವಿನ ರೆಕ್ಕೆ ಬೆಳೆಸಿಕೊಳ್ಳಿ

ಬರಬಾರದೇ ಭವವೈದ್ಯ, ಬಯಕೆಯುಣ್ಣುತ್ತ ಜೀವ ಹಿಡಿದಿದೆ ಹೃದಯ! ~ ರಾಬಿಯಾ ಪದ್ಯ

ಮೂಲ: ರಾಬಿಯಾ ಅಲ್ ಅದವ್ವಿಯಾ | ಕನ್ನಡಕ್ಕೆ: ಚೇತನಾ ತೀರ್ಥಹಳ್ಳಿ ಏಕಾಂತದಲಿ ಶಾಂತಿಯಿದೆ ನನಗೆ, ಸೋದರರೇ! ಪ್ರಿಯತಮನ ಚಿರಸಂಗಾತವಿದೆ; ಬೇರೇನೂ ಇಲ್ಲವೆನಗೆ ಅವನೊಲವ ಬದಲು. ಮರ್ತ್ಯಲೋಕದಲಿ ಅವನೊಲವ ಸತ್ವಪರೀಕ್ಷೆ; ಅವನ ಸೌಂದರ್ಯ ಧ್ಯಾನವೇ ನನಗೆ ಮಿಹ್ರಾಬ್… ಅವನೆಡೆಗೆ ಚಲಿಸುವುದೆ ನನ್ನ ಕಿಬ್ಲಾಹ್! “ಜೀವ ತೊರೆದು ಹೋದರೆ ನಾನು ತೃಪ್ತಳಾಗುವ ಮೊದಲೇ!?” ಅಯ್ಯೋ! ಪೀಡಿಸುತಿದೆ ಎದೆಯ ಯಾತನೆ, ಬರಬಾರದೇ ಭವವೈದ್ಯ, ಬಯಕೆಯುಣ್ಣುತ್ತ ಜೀವ ಹಿಡಿದಿದೆ ಹೃದಯ ಮದ್ದಾಗುವುದು ಅವನ ಮಿಲನ, ಆನಂದದಲಿ ಆತ್ಮದಾಹ ಶಮನ! ಅವನೆನ್ನ ಜೀವ ಸ್ರೋತ, […]

ಪ್ರೇಮ ಪಯಣದಲಿ ಜ್ಞಾನವಿದೆ, ಹೆಡ್ಡತನವೂ! ~ ಸೂಫಿ ಅತ್ತಾರ್ ನಿಶಾಪುರಿ ಪದ್ಯ

ಮೂಲ: ಫರೀದುದ್ದೀನ್ ಅತ್ತಾರ್ (ಅತ್ತಾರ್ ನಿಶಾಪುರಿ) | ಕನ್ನಡಕ್ಕೆ: ಚೇತನಾ ತೀರ್ಥಹಳ್ಳಿ ಕಳೆದು ನನ್ನೊಳಗೆ, ಮತ್ತೆ ಮೂಡಿದೆ, ಎಲ್ಲೆಂದು ಅರಿವಿಲ್ಲ ನನಗೆ. ಕಡಲಿಂದ ಸಿಡಿದು, ಮರಳಿ ಕರಗಿದ ಚಿಕ್ಕ ಹನಿ ನಾನು. ಹಗಲಲ್ಲಿ ಹುಟ್ಟಿ ಬೆಳೆದೆ, ಬಿಸಿಲಲ್ಲಿ ಕುಬ್ಜವಾದೆ, ದಿನಾಂತದಲಿ ತೀರಿ ಹೋದೆ; ಬರಿಯದೊಂದು ನೆರಳು ನಾನು. ತಿಳಿದಿಲ್ಲ ನನಗೆ ನಾನು ಬಂದ, ಇದ್ದ, ಹೊರಟುಹೋದ ಯಾವುದೇ ಸುದ್ದಿ. ನಡೆಯಿತೆಲ್ಲ, ಒಂದುಸಿರಿನ ಘಳಿಗೆಯಲಿ! ಮುಂಬತ್ತಿಯ ಬೆಳಕಲ್ಲಿ ಉತ್ತರಗಳ ಮರೆತಿರುವೆ; ಕೇಳಬೇಡಿರೇನೂ ನನ್ನ, ಚಿಟ್ಟೆಗಳ ಕುರಿತು. ಪ್ರೇಮ ಪಯಣದಲಿ […]