ರಿಚರ್ಡ್ ಮೊರಿಸ್ ಹೇಳಿದ್ದು… : ಅರಳಿಮರ Poster

ಮೌಲ್ಯಗಳನ್ನು ಕೇವಲ ಬಾಯಿಪಾಠ ಮಾಡಿದರೆ ಸಾಲದು. ಅವುಗಳ ಪದಶಃ ಅರ್ಥ ತಿಳಿದುಕೊಂಡರೂ ಹೆಚ್ಚಿನ ಪ್ರಯೋಜನವೇನಿಲ್ಲ. ಮೌಲ್ಯಗಳನ್ನು ಬದುಕಿನಲ್ಲಿ ಅಳವಡಿಸಿಕೊಂಡರಷ್ಟೆ ಅವುಗಳಿಗೆ ನ್ಯಾಯ ಸಲ್ಲಿಸಿದಂತೆ.  ಮತ್ತು, ಈ ಮೌಲ್ಯಗಳು ವಿಚಾರಪೂರ್ಣವಾಗಿರುವುದು ಅತ್ಯಗತ್ಯ. ತಲೆಬುಡವಿಲ್ಲದ, ಕೇವಲ ಸಾಂಪ್ರದಾಯಿಕ ಅಥವಾ ರೂಢಿಗತವಾದ ಮಾತ್ರಕ್ಕೆ ಮೌಲ್ಯಗಳು ಅರ್ಥಪಡೆಯುವುದಿಲ್ಲ. ಇಂಥಾ ಅರ್ಥಹೀನ ಮೌಲ್ಯಗಳನ್ನು ಅನುಸರಿಸುವುದು ಅಂಧಶ್ರದ್ಧೆಯಾಗುತ್ತದೆ. ನಮ್ಮ ಬುದ್ಧಿಗುರುಡುತನವಾಗುತ್ತದೆ.  ಹಾಗೆಯೇ ಮೌಲ್ಯಗಳಲ್ಲಿ ಭಾವನೆ ಇರಬೇಕು. ಅವು ನಮ್ಮ ಅಂತಃಕರಣಕ್ಕೆ ತಾಕುವಂತಿರಬೇಕು. ಕೇವಲ ಕರ್ಮಠತನ ಮೌಲ್ಯಗಳಿಗೆ ಬಲ ತುಂಬಲಾರವು. ಅಲ್ಲಿ ಭಾವನೆಯೂ ಇದ್ದರಷ್ಟೆ ಅವು ಸಬಲ. […]

ಕುರಾನ್ ಹೇಳುತ್ತದೆ…. : ಅರಳಿಮರ Poster

ಮೂಲತಃ ಧರ್ಮಗಳು ಬೋಧಿಸುವುದು ಬದುಕನ್ನು. ಮತ್ತು ಬದುಕು ಸಾಮರಸ್ಯದ ಮೊತ್ತ. ಹಾಗೆಯೇ ಕುರಾನ್ ಕೂಡಾ  “ನಿಮಗೆ ನಿಮ್ಮ ಧರ್ಮ, ನನಗೆ ನನ್ನ ಧರ್ಮ (109.6)” ಎನ್ನುವ ಮೂಲಕ  ಸಹಿಷ್ಣುತೆಯನ್ನು, ಸಾಮರಸ್ಯವನ್ನು ಬೋಧಿಸಿದೆ.  “ಪ್ರತಿಯೊಬ್ಬನಿಗೂ ಒಂದು ನಿಯ, ಮತ್ತು ಮಾರ್ಗ ನೀಡಲಾಗಿದೆ. ದೇವರು ಇಷ್ಟಪಟ್ಟಿದ್ದರೆ ನಿಮ್ಮೆಲ್ಲರನ್ನೂ ಒಂದೇ ರೀತಿಯವರನ್ನಾಗಿ (ಒಂದೇ ಮಾರ್ಗಾವಲಂಬಿಗಳನ್ನಾಗಿ) ಮಾಡಬಹುದಿತ್ತು. ಆದರೆ ಅವನು ಬೇರೆ ರೀತಿಯಾಗಿಯೇ ಮಾಡಿರುವನು. ನಿಮಗೆ ಪ್ರತ್ಯೇಕವಾಗಿ ಯಾವುದನ್ನು ನೀಡಲಾಗಿದೆಯೋ ಅದೇ ಮಾರ್ಗದಲ್ಲಿಯೇ ನೀವು ಸತ್ಕಾರ್ಯದಲ್ಲಿ ಮುಂದುವರಿಯಬೇಕೆಂಬುದು ಅವನ ಇಚ್ಛೆ. ನೀವು ಭಗವಂತನೆಡೆಗೆ […]

ಪ್ರೇಮವೊಂದು ಹಣತೆ; ಚಿಟ್ಟೆಯಾಗಿ ದೂರಬೇಡಿ, ಬತ್ತಿಯಾಗಿ ತೀರಬೇಡಿ!

ಇದು ಬಹಳ ಸರಳ…. ಹಣತೆಯಿದೆ. ನೀವು ಅದರ ಬೆಂಕಿಯ ಮೊಗ್ಗನ್ನು ಮುತ್ತಿಕ್ಕಿದರೆ ಸುಟ್ಟುಹೋಗುತ್ತೀರಿ. ಅದನ್ನು ನಾಜೂಕಾಗಿ ನೇವರಿಸಿದರೆ, ಅದರ ಬೆಳಕನ್ನು ನಿಮ್ಮಲ್ಲೂ ಹೊತ್ತುಕೊಳ್ಳುತ್ತೀರಿ. ನಿಮ್ಮ ಪ್ರೇಮಿಯನ್ನು ನೀವು ಅರಿಯಬೇಕೆಂದರೆ, ನೀವೂ ಹಣತೆಯಾಗಬೇಕು. ಬೆಳಗುತ್ತಿರುವ ಹಣತೆಯನ್ನು ನಾಜೂಕಿನಿಂದ ಸೋಕಬೇಕು ~ ಅಲಾವಿಕಾ ಅನ್ನಬಟ್ಟೆಯಾಚೆಗೂ, ಭದ್ರತೆಯಾಚೆಗೂ, ಬಹುತೇಕ ಬದುಕಿನಾಚೆಗೂ ಮನುಷ್ಯರನ್ನು ಕಂಗೆಡಿಸುವ ಸಂಗತಿ ಏನಾದರೂ ಇದ್ದರೆ ಅದು ಪ್ರೇಮ. ಪ್ರೇಮ ಪುರುಸೊತ್ತಿನ ವಿಲಾಸವಲ್ಲ. ವಿಕ್ಷಿಪ್ತರ ಪ್ರಲಾಪವೂ ಅಲ್ಲ. ಅದು ಅತ್ಯಂತ ಸಹಜ ಅನುಭೂತಿ. ಲೌಕಿಕದಲ್ಲಿ, ಸಾಮಾನ್ಯ ಜೀವನದಲ್ಲಿ ಪ್ರೇಮ ಎರಡು […]

2019 : ಅರಳಿಮರ exclusive calendar

ಕಾಲ, ಬೊಗಸೆಗೆ ದಕ್ಕದ ಒಮ್ಮುಖ ಹರಿವು. ಅದು ಅಳತೆಗೆ ನಿಲುಕದ್ದು. ಆದರೂ ನಮ್ಮ ಅನುಕೂಲಕ್ಕಾಗಿ ಸೂರ್ಯನ ಉದಯಾಸ್ತಮಾನಗಳ ಆಧಾರದಲ್ಲಿ ದಿನದಿಂದ ಹಿಡಿದು ವರ್ಷದ ವರೆಗೆ ಕಾಲಮಾನವನ್ನು ನಿಕ್ಕಿ ಮಾಡಿಕೊಂಡಿದ್ದೇವೆ.  ಈಗ ಮತ್ತೆ ಅಂಥದೇ ಕಾಲಮಾನದ ಮತ್ತೊಂದು ಗುಡ್ಡೆ ನಮ್ಮೆದುರಿದೆ. ಕಳೆದ ವರ್ಷದ ಸಮಯದ ಗುಡ್ಡೆ ಕರಗಿದೆ. ಅದರಲ್ಲಿ ಎಷ್ಟು ಬದುಕಿದೆವು ಅನ್ನುವುದು ನಮ್ಮನಮ್ಮ ವಿವೇಚನೆ ತೀರ್ಮಾನಿಸಬೇಕಾದ ವಿಷಯ. ಮುಂದಿನ ಒಂದಿಡೀ ವರ್ಷ ನಮ್ಮೆದುರಿದೆ. ನಮ್ಮ ಆಯಸ್ಸನ್ನು ಒಂದು ವರ್ಷ ಹೆಚ್ಚಿಸುವ, ಬದುಕುವ ಅವಧಿಯನ್ನು ಒಂದು ವರ್ಷ ತಗ್ಗಿಸುವ […]

ಸಂಬಂಧವೆಂಬ ನದಿಯ ಬಿಂಬ : ಅಧ್ಯಾತ್ಮ ಡೈರಿ

ಯಾವುದೇ ಸಂಬಂಧ ಅದೆಷ್ಟು ಆಪ್ತವಾಗಿದ್ದರೂ; ಅದು ನೆನೆಯದ, ಮುಳುಗದ, ಜೊತೆ ಹರಿಯದ ಬಿಂಬ ಮಾತ್ರ ಅನ್ನುವುದನ್ನು ಒಪ್ಪಿಕೊಳ್ಳಬೇಕು ~ ಅಲಾವಿಕಾ ನದಿಯೊಳಗೆ ತೇಲುವ ಬಿಂಬ ಹರಿಯುವುದಿಲ್ಲ ಜೊತೆಗೆ. ಸಂಬಂಧಗಳು ಬಿಂಬದ ಹಾಗೆ. ಒಂದು ವ್ಯಕ್ತಿ ನದಿಯಾದರೆ, ಮತ್ತೊಂದು ವ್ಯಕ್ತಿ ದಡ ಅಥವಾ ಆಕಾಶದಲ್ಲಿರುವ ವಸ್ತು. ಒಮ್ಮೆ ಒಬ್ಬರ ಪಾಲಿಗೆ ನದಿಯಾದವರು ಮತ್ತೊಮ್ಮೆ ಮತ್ತೊಬ್ಬರ ಪಾಲಿಗೆ ವಸ್ತುವಾಗಬಹುದು. ಹೀಗೆ ಪ್ರತಿಯೊಬ್ಬರೂ ನದಿಯೂ ವಸ್ತುವೂ ಆಗುತ್ತ ಬಿಂಬ ಬೆಸೆಯುವರು. ಅಂದರೆ, ಸಂಬಂಧ ಹೊಸೆಯುವರು. ನದಿಯ ಹರಿವಿನೆದೆ ಮೇಲೆ ಬಿಂಬ ಮೂಡುತ್ತದೆ. […]

ಅಧ್ಯಾತ್ಮ ಡೈರಿ : ಖಾಲಿಯೂ ಒಂದು ಇರುವಿಕೆ !

ಯಾವುದೇ ವಸ್ತುವನ್ನು ಹಿಡಿದಿಟ್ಟುಕೊಳ್ಳಲೊಂದು ಖಾಲಿ ‘ಇರಬೇಕು’. ಅನಸ್ತಿತ್ವವೇ ‘ಅಸ್ತಿ’ – `ಇದೆ’ ಎಂದಾಗಬೇಕು. ಈ ಅನಸ್ತಿತ್ವದ ಅಸ್ತಿತ್ವವೇ ಅತ್ಯುಪಯುಕ್ತ, ಇದೇ ಸೃಷ್ಟಿ ಸಾಧ್ಯತೆಯ ಅನಂತ ದಿಬ್ಬ ~ ಅಲಾವಿಕಾ ಮೂವತ್ತು ಅರೆಗಳಿದ್ದರೂ ಚಕ್ರವನ್ನ ಹಿಡಿದಿಡೋದು ಅವನ್ನು ಒಗ್ಗೂಡಿಸುವ ರಂಧ್ರ. ಕುಂಬಾರ ಮಣ್ಣು ತುಳಿತುಳಿದು ಚೆಂದದ ಮಡಿಕೆ ಮಾಡಿದರೂ ಉಪಯೋಗಕ್ಕೆ ಬರೋದು ಆಕಾರವಲ್ಲ, ಅದರೊಳಗಿನ ಖಾಲಿ. ಬಾಗಿಲಿಲ್ಲದೆ ಕೋಣೆಯೊಳಕ್ಕೆ ಬರಲಾಗದು, ಕಿಟಕಿಗಳಿಲ್ಲದೆ ಕೋಣೆಯೊಳಕ್ಕೆ ಬರಿ ಕತ್ತಲು. ಅನಸ್ತಿತ್ವ ನಿಜಕ್ಕೂ ಬಹೂಪಯೋಗಿಯಾಗಿರುವುದು  ~ ಅನ್ನುತ್ತಾನೆ ತತ್ತ್ವಜ್ಞಾನಿ ಲಾವೋತ್ಸು ತನ್ನ `ತಾವೋ ತೆ […]