ಚೆಲುವು : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 24

ಕವಿಯೊಬ್ಬ ಚೆಲುವಿನ ಬಗ್ಗೆ ಮಾತಾಡಲು ಕೇಳಿಕೊಂಡಾಗ ಅವನು ಮಾತನಾಡತೊಡಗಿದ. ಚೆಲುವೇ ದಾರಿಯಾದ ಹೊರತು ಚೆಲುವೇ ಕೈ ಹಿಡಿದು ನಡೆಸುವ ತನಕ ಚೆಲುವನ್ನು ಹುಡುಕುವುದು,  ಕಂಡುಕೊಳ್ಳುವುದು ಸಾಧ್ಯವೆ? ಚೆಲುವೇ ನಿಮ್ಮ ಮಾತುಗಳನ್ನು ನೇಯ್ದು ಸಂಭಾಷಣೆ ಸಿದ್ಧಪಡಿಸುವ ತನಕ ಚೆಲುವನ್ನು ಹಾಡಿ ಹೊಗಳುವುದು ಸಾಧ್ಯವೆ? ನೊಂದವರು, ಗಾಯಗೊಂಡವರ ಪ್ರಕಾರ ಚೆಲುವು, ಸಭ್ಯ ಮತ್ತು ಅಂತಃಕರುಣಿ, ತನ್ನ ವೈಭವದ ಬಗ್ಗೆ ತಾನೇ ನಸು ನಾಚುತ್ತ ನಮ್ಮ ನಡುವೆ ಓಡಾಡಿಕೊಂಡಿರುವ ಹರೆಯದ ತಾಯಿ. ಹುಚ್ಚು ಪ್ರೇಮಿಗಳಿಗೆ ಚೆಲುವು, ರುದ್ರ, ಭಯಂಕರ, ಕಾಲ ಕೆಳಗಿನ […]

ಪ್ರಾರ್ಥನೆ : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 23

ನಗರದ ಅರ್ಚಕಿಯೊಬ್ಬಳು ಪ್ರಾರ್ಥನೆಯ ಬಗ್ಗೆ ಮಾಹಿತಿ ಕೇಳಿದಳು; ಅವನು ಉತ್ತರಿಸತೊಡಗಿದ. ದುಗುಡ ಮತ್ತು ಅಗತ್ಯಗಳು ಸತಾಯಿಸಲು ಶುರುಮಾಡಿದಾಗ ಮಾತ್ರ ನೀವು ಪ್ರಾರ್ಥನೆಗೆ ಮುಂದಾಗುತ್ತೀರಿ ; ಖುಶಿಯ ಪರಿಪೂರ್ಣತೆಯಲ್ಲಿ, ಸಮೃದ್ಧಿ ತುಂಬಿ ತುಳುಕುತ್ತಿರುವಾಗಲೂ ಪ್ರಾರ್ಥನೆ ಸಾಧ್ಯವಾಗಲಿ. ಏಕೆಂದರೆ, ಚೈತನ್ಯಮಯಿ ಆಕಾಶದಲ್ಲಿ ನಿಮ್ಮನ್ನು ನೀವು ಎತ್ತರೆತ್ತರಕ್ಕೆ ಏರಿಸಿಕೊಳ್ಳುವ ಪ್ರಕ್ರಿಯೆಯೇ ಪ್ರಾರ್ಥನೆ. ಸಮಾಧಾನಕ್ಕಾಗಿ ನಿಮ್ಮ ಕತ್ತಲನ್ನು ಆಕಾಶಕ್ಕೆ ಸುರಿಯುತ್ತೀರಾದರೆ, ಖುಶಿಗಾಗಿ, ಹೃದಯದ ಬೆಳಗನ್ನೂ ಸುರಿಯಬೇಕು. ನಿಮ್ಮ ಆತ್ಮ, ಪ್ರಾರ್ಥನೆಗೆ ಕೂಗಿದಾಗ ನಿಮ್ಮ ಅಳು ಇನ್ನೂ ನಿಂತಿಲ್ಲವಾದರೆ, ನೀವು ನಗು ನಗುತ್ತ ಹೊರ […]

ಕಾಲದ ವಿಷಯ : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 20

ಕಾಲದ ಬಗ್ಗೆ ಚಿಂತನೆ ಮಾಡುವವನೊಬ್ಬ ಕಾಲದ ಬಗ್ಗೆ ಪ್ರಶ್ನೆ ಮಾಡಿದಾಗ ಅವನು ಉತ್ತರಿಸತೊಡಗಿದ. ಅಳತೆಗೆ ನಿಲುಕದ, ಅಳತೆಯೇ ಇಲ್ಲದ ಕಾಲವನ್ನು ನೀವು ಅಳೆಯಲು ಮುಂದಾಗುತ್ತೀರಿ. ಸಮಯಕ್ಕನುಗುಣವಾಗಿ, ಋತುಮಾನಗಳಿಗನುಸಾರವಾಗಿ ನಿಮ್ಮ ಸ್ವಭಾವವನ್ನು ಬದಲಾಯಿಸಿಕೊಳ್ಳಲು, ನಿಮ್ಮ ಚೇತನದ ಧಾರೆಯನ್ನು ನಿರ್ದೇಶಿಸಿಕೊಳ್ಳಲು ಹಾತೊರೆಯುತ್ತೀರಿ. ಕಾಲವನ್ನು ಧಾರೆಯಾಗಿಸಿ ಅದರ ದಂಡೆಯ ಮೇಲೆ ಕುಳಿತು ಆ ಹರಿವಿನ ಪ್ರವಾಹವನ್ನು ನೋಡ ಬಯಸುತ್ತೀರಿ. ನಿಮ್ಮೊಳಗಿನ ಕಾಲಾತೀತ ಪ್ರಜ್ಞೆಗೆ ಬದುಕಿನ ಅಗಾಧತೆಯ ಅರಿವಿರುವಾಗಲೂ, ನಿನ್ನೆ ನಿನ್ನೆಯಲ್ಲ , ಇಂದಿನ ನೆನಪು ಮಾತ್ರ ಮತ್ತು ನಾಳೆ ನಾಳೆಯಲ್ಲ ಇವತ್ತಿನ […]

ಮಾತು : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 19

ವಿದ್ವಾಂಸನೊಬ್ಬ ಮಾತಿನ ಮಹತ್ವದ ಬಗ್ಗೆ ಕೇಳಿದ ಪ್ರಶ್ನೆಗೆ ಅವನು ಉತ್ತರಿಸತೊಡಗಿದ. ನಿಮ್ಮ ವಿಚಾರಗಳ ಜೊತೆ ಸಮಾಧಾನ ಸಾಧ್ಯವಾಗದೇ ಹೋದಾಗ ಮಾತ್ರ ನೀವು ಮಾತನಾಡುತ್ತೀರಿ. ಯಾವಾಗ ನೀವು ಹೃದಯದ ಏಕಾಂತದಲ್ಲಿ ನೆಲೆ ನಿಲ್ಲಲಾರಿರೋ ಆಗ ನೀವು ತುಟಿಗಳ ಮೇಲೆ ವಾಸ ಮಾಡಲು ಆರಂಭ ಮಾಡುತ್ತೀರಿ. ಶಬ್ದ, ದಾರಿ ತಪ್ಪಿಸುವ ಮತ್ತು ಕಾಲ ಹರಣದ ಸಾಧನವಾಗುವುದು ಆಗಲೇ. ಬಹುತೇಕ ನಿಮ್ಮ ಮಾತಿನಲ್ಲಿ ವಿಚಾರದ ಅರ್ಧ ಕೊಲೆಯಾಗಿರುತ್ತದೆ. ಏಕೆಂದರೆ ವಿಚಾರ, ಆಕಾಶದ ಹಕ್ಕಿ. ಶಬ್ದದ ಪಂಜರದಲ್ಲಿ ತನ್ನ ರೆಕ್ಕೆಯನ್ನೇನೋ ಬಿಚ್ಚುತ್ತದೆ ಆದರೆ […]

ಕಲಿಸುವಿಕೆ : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 17

ಶಿಕ್ಷಕನೊಬ್ಬ ಕಲಿಸುವಿಕೆಯ ಬಗ್ಗೆ ಮಾಡಿದ ಪ್ರಶ್ನೆಗೆ ಅವನು ಉತ್ತರಿಸತೊಡಗಿದ. ನಿಮ್ಮ ತಿಳುವಳಿಕೆಯ ಸೂರ್ಯ ಅಂಬೆಗಾಲಿಡುತ್ತಿರುವಾಗ ಇನ್ನೂ ಅರೆನಿದ್ದೆಯಲ್ಲಿರುವುದನ್ನು ಬಿಟ್ಟು, ಬೇರೆ ಯಾವುದನ್ನೂ, ಯಾರೂ ನಿಮಗೆ ಹೇಳಿಕೊಡಲಿಕ್ಕಾಗುವುದಿಲ್ಲ. ದೇವಸ್ಥಾನದ ನೆರಳಲ್ಲಿ, ಸುತ್ತ ಮುತ್ತ ಶಿಷ್ಯರನ್ನೊಡಗೂಡಿ ನಡೆಯುತ್ತಿರುವ ಶಿಕ್ಷಕ ತನ್ನ ನಂಬಿಕೆ ಮತ್ತು ಪ್ರೇಮಭಾವವನ್ನು ಹೊರತುಪಡಿಸಿ ನಿಮಗೆ ಬೇರೆ ಯಾವ ತಿಳುವಳಿಕೆಯನ್ನೂ ಹೇಳಿಕೊಡುವುದಿಲ್ಲ. ಅವನು ತಿಳುವಳಿಕೆಯುಳ್ಳವನಾಗಿದ್ದರೆ ಬಾಗಿಲು ತೆರೆದು ನಿಮ್ಮನ್ನು ತನ್ನ ಮನೆಯೊಳಗೆ ಬಿಟ್ಟುಕೊಳ್ಳುವುದಿಲ್ಲ, ಬದಲಾಗಿ, ನಿಮ್ಮನ್ನು ನಿಮ್ಮ ಮನದ ಹೊಸ್ತಿಲವರೆಗೆ ಎಳೆದುಕೊಂಡು ಹೋಗಿ ನಿಲ್ಲಿಸುತ್ತಾನೆ. ಖಗೋಳ ಶಾಸ್ತ್ರಜ್ಞ, ಆಕಾಶದ […]

ಕಾಯ್ದೆ, ಕಾನೂನು : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 13

  ನ್ಯಾಯವಾದಿಯೊಬ್ಬ ಕಾಯ್ದೆ, ಕಾನೂನುಗಳ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ಅವನು ಉತ್ತರಿಸತೊಡಗಿದ. ನಿಯಮಗಳನ್ನು ಹುಟ್ಟುಹಾಕುವುದೆಂದರೆ, ನಿಮಗೆ ಅದೇನೋ ಬಹು ದೊಡ್ಡ ಖುಶಿ ಆದರೆ ಅವುಗಳನ್ನು ಮುರಿಯುವುದು ಇನ್ನೂ ದೊಡ್ಡ ಖುಶಿಯ ವಿಷಯ ನಿಮಗೆ. ಆಟ ಆಡುವ ಮಕ್ಕಳು ಸಮುದ್ರದ ದಂಡೆಯಲ್ಲಿ ಅಪಾರ ಜಾಗರೂಕತೆಯಿಂದ ಮರಳಿನ ಮನೆ ಕಟ್ಟುವ ಹಾಗೆ; ಮತ್ತು ನಗುನಗುತ್ತಾ ಅದನ್ನು ಮುರಿದುಬಿಡುವ ಹಾಗೆ. ಮರಳಿನ ಮನೆ ಕಟ್ಟುವಾಗ ನಿಮಗೆ ಬೇಕಾದಷ್ಟು ಮರಳು ಒದಗಿಸುವ ಸಮುದ್ರ, ನೀವು ಮನೆ ಮುರಿದಾಗ ನಿಮ್ಮೊಂದಿಗೆ, ತಾನೂ ನಕ್ಕು ಬಿಡುತ್ತದೆ. […]

ಮಾರುವುದು ಮತ್ತು ಕೊಳ್ಳುವುದು : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 11

ದ ಪ್ರಾಫೆಟ್’ ಕೃತಿಯು ಜಗತ್ತಿನ ಬಹುತೇಕ ಭಾಷೆಗಳಿಗೆ ಅನುವಾದಗೊಂಡಿದ್ದು, ಕನ್ನಡದಕ್ಕೂ ಬಂದಿವೆ. ‘ಅರಳಿಬಳಗ’ದ ಕವಿ ಚಿದಂಬರ ನರೇಂದ್ರ ಮತ್ತೊಮ್ಮೆ ಇದರ ಅನುಭಾವವನ್ನು ಅನುವಾದದ ಮೂಲಕ ಹರಿಸುವ ಪ್ರಯತ್ನ ಮಾಡಿದ್ದಾರೆ. ಹಿಂದಿನ ಭಾಗವನ್ನು ಇಲ್ಲಿ ಓದಿ : https://aralimara.com/2018/08/25/pravadi10/ ವ್ಯಾಪಾರಿಯೊಬ್ಬ, ಯಾವುದನ್ನು ಮಾರುವುದು ಮತ್ತು ಏನನ್ನು ಕೊಳ್ಳಬೇಕು ಎಂದು ಕೇಳಿದ ಪ್ರಶ್ನೆಗೆ ಅವ ಉತ್ತರಿಸತೊಡಗಿದ. ಭೂಮಿ ಬೆಳೆ ಬೆಳೆಯುತ್ತದೆಯಾದರೂ, ನಿಮ್ಮ ಬೊಗಸೆ ತುಂಬಿಕೊಳ್ಳುವುದು ನಿಮಗೆ ಗೊತ್ತಿದ್ದಾಗ; ಭೂಮಿಯ ಹಣ್ಣುಗಳನ್ನು ನೀವು ಕೀಳಲಾರಿರಿ. ಭೂಮಿ ಕೊಟ್ಟದಕ್ಕೆ ಬದಲಾಗಿ ನೀವು ಏನನ್ನಾದರೂ ಕೊಡಬಲ್ಲಿರಾದರೆ […]

ಮನೆಗಳ ಕುರಿತು : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 9

‘ದ ಪ್ರಾಫೆಟ್’ ಕೃತಿಯು ಜಗತ್ತಿನ ಬಹುತೇಕ ಭಾಷೆಗಳಿಗೆ ಅನುವಾದಗೊಂಡಿದ್ದು, ಕನ್ನಡದಕ್ಕೂ ಬಂದಿವೆ. ‘ಅರಳಿಬಳಗ’ದ ಕವಿ ಚಿದಂಬರ ನರೇಂದ್ರ ಮತ್ತೊಮ್ಮೆ ಇದರ ಅನುಭಾವವನ್ನು ಅನುವಾದದ ಮೂಲಕ ಹರಿಸುವ ಪ್ರಯತ್ನ ಮಾಡಿದ್ದಾರೆ. ಆಮೇಲೆ ಮನೆಗಳನ್ನು ಕಟ್ಟುವ ಗಾರೆ ಕೆಲಸದವನೊಬ್ಬ ಮನೆಗಳ ವಿಶೇಷತೆಯ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ಉತ್ತರ ಕೊಡತೊಡಗಿದ. ಶಹರಗಳಲ್ಲಿ ಮನೆಗಳನ್ನು ಕಟ್ಟುವ ಮೊದಲು ನಿನ್ನ ಕಲ್ಪನೆಗಳಿಗೊಂದಿಷ್ಟು ಸಾಣೆ ಹಿಡಿದು ಉದ್ವಿಗ್ನತೆಗೊಂದು ನೆರಳಿನ ಗೂಡು ಕಟ್ಟಿ ಕೊಡಿ. ಪ್ರತೀ ಮುಸ್ಸಂಜೆ ನೀನು ಮನೆಗೆ ಮರಳುವಂತೆ ನಿನ್ನೊಳಗಿನ ಅಲೆಮಾರಿ, ಏಕಾಂಗಿ, ನಿನ್ನೊಳಗಿದ್ದೂ […]

ಕೊಡುವುದರ ಬಗ್ಗೆ : ಖಲೀಲ್ ಗಿಬ್ರಾನನ ‘ಪ್ರವಾದಿ’ ~ ಅಧ್ಯಾಯ 5

ದ ಪ್ರಾಫೆಟ್’ ಕೃತಿಯು ಜಗತ್ತಿನ ಬಹುತೇಕ ಭಾಷೆಗಳಿಗೆ ಅನುವಾದಗೊಂಡಿದ್ದು, ಕನ್ನಡದಕ್ಕೂ ಬಂದಿವೆ. ‘ಅರಳಿಬಳಗ’ದ ಕವಿ ಚಿದಂಬರ ನರೇಂದ್ರ ಮತ್ತೊಮ್ಮೆ ಇದರ ಅನುಭಾವವನ್ನು ಅನುವಾದದ ಮೂಲಕ ಹರಿಸುವ ಪ್ರಯತ್ನ ಮಾಡಿದ್ದಾರೆ.  ಆಮೇಲೆ, ಕೊಡುವುದರ ಬಗ್ಗೆ ತನ್ನ ಕೆಲವು ಪ್ರಶ್ನೆಗಳನ್ನು ಕೇಳಿದ ಶ್ರೀಮಂತ ವರ್ತಕನೊಬ್ಬನಿಗೆ ಉತ್ತರಿಸತೊಡಗಿದ ; ಎಷ್ಟು ಕೊಟ್ಟರೂ ಕಡಿಮೆಯೇ ಕೂಡಿಸಿ ಇಟ್ಟುಕೊಂಡಿರುವುದನ್ನ. ಕೊಟ್ಟಂತೆ ನಿಜವಾಗಿ ನೀನು, ಕೊಟ್ಟಾಗಲೇ ಖುದ್ದು, ನಿನ್ನನ್ನ. ಆಸ್ತಿ, ನಾಳೆಗೆ ಬೇಕೆಂಬ ಭಯ. ಮತ್ತು ನಾಳೆ… ಏನು ಕೊಟ್ಟಿದೆ ಈ ನಾಳೆ, ಮರಳಲ್ಲಿ ಮೂಳೆಗಳ ಮುಚ್ಚಿಟ್ಟು ತೀರ್ಥಯಾತ್ರಿಗಳ […]

ಯುದ್ಧ ಮತ್ತು ಸಣ್ಣ ದೇಶಗಳು : ಒಂದು ಖಲೀಲ್ ಗಿಬ್ರಾನ್ ಕಥೆ

ಅನುವಾದ : ಚಿದಂಬರ ನರೇಂದ್ರ ಬೆಟ್ಟದ ತಪ್ಪಲಲ್ಲಿ ಒಂದು ಕುರಿ ತನ್ನ ಮರಿಯೊಂದಿಗೆ ಆನಂದದಿಂದ ಹುಲ್ಲು ಮೇಯುತ್ತ ಹಾಯಾಗಿ ಓಡಾಡುತ್ತಿದ್ದರೆ, ಮೇಲೆ ಆಕಾಶದಲ್ಲಿ ಒಂದು ಹಸಿದ ರಣಹದ್ದು ಕುರಿಮರಿಯ ಮೇಲೆ ಹೊಂಚು ಹಾಕಿ ಅವಕಾಶಕ್ಕಾಗಿ ಕ್ಷಣಗಣನೆ ಮಾಡುತ್ತಿತ್ತು. ಇನ್ನೇನು ಹದ್ದು ವೇಗದಿಂದ ಹಾರುತ್ತ ಕುರಿಮರಿಯ ಹತ್ತಿರ ಬರುತ್ತಿದ್ದಂತೆಯೇ, ಇನ್ನೊಂದು ರಣಹದ್ದು ಅಷ್ಟೇ ರಭಸದಿಂದ ಕುರಿಮರಿಯ ಮೇಲೆ ಆಕ್ರಮಣ ಮಾಡಿತು. ಎರಡೂ ಹದ್ದುಗಳು ಭೀಕರವಾಗಿ ಒಂದನ್ನೊಂದು ಚುಚ್ಚುತ್ತ, ಜೋರಾಗಿ ಆಕ್ರಂದನ ಮಾಡುತ್ತ ಆಕಾಶದ ತುಂಬ ಗದ್ದಲ ಹಾಕತೊಡಗಿದವು. ಈ […]