ಓ ತಬ್ರೀಜಿನ ಸೂರ್ಯನೇ! : ಒಂದು ರೂಮಿ ಪದ್ಯ

ಜಲಾಲುದ್ದೀನ್ ರೂಮಿ | ಕನ್ನಡಕ್ಕೆ : ಚೇತನಾ ತೀರ್ಥಹಳ್ಳಿ ನನ್ನ ನಾನೇ ಅರಿಯದ ನಾನು ನಿಮಗೆ ಹೇಳಲಾದರೂ ಏನನ್ನು? ನಾನು ಕ್ರೈಸ್ತನಲ್ಲ, ಯಹೂದಿಯೂ ಅಲ್ಲ ಮಾಜೂಸನಲ್ಲ ನಾನು, ಮುಸ್ಲಿಮನೂ ಅಲ್ಲ ದಿಕ್ಕು ದೆಸೆಗಳನು ಅರಿತವನಲ್ಲ, ಕಡಲು ನನ್ನದಲ್ಲ, ದಂಡೆಯೂ ನನ್ನದಲ್ಲ, ನಾನು ಬಯಲ ನೆಲದಲಿ ಮಲಗಿದವನಲ್ಲ ಬಾನ ನಿಟ್ಟಿಸಿ ಗ್ರಹತಾರೆ ಕಂಡವನಲ್ಲ… ಭೂಮಿಯಲಿ ಚಿಗಿತವನಲ್ಲ ನೀರಿನಲಿ ಚಿಗುರಿದವನಲ್ಲ ಗಾಳಿಯ ಮಗನಲ್ಲ, ನಾನು ಬೆಂಕಿಯ ಮಗನಲ್ಲ; ಜನ್ನತಿನಿಂದ ಇಳಿದು ಬಂದವನಲ್ಲ, ಆದರೂ ನನಗೀ ಲೋಕದ ಪರಿಚಯವೇ ಇಲ್ಲ! ಅಸ್ತಿತ್ವವೇ […]

ಪ್ರೇಮದ ಹಾದಿಯಲಿ ಪಾದಗಳು ದಣಿದಷ್ಟೂ… : ಮುಘಲ್ ರಾಜಕುಮಾರಿ ಸೂಫಿ ಜೆಬಾಳ ಒಂದು ಪದ್ಯ

ಮೂಲ : ಜೆಬುನ್ನಿಸಾ (ಮಕ್’ಫಿ) | ಭಾವಾನುವಾದ : ಚೇತನಾ ತೀರ್ಥಹಳ್ಳಿ ನನ್ನ ಮುದಗೊಳಿಸುತ್ತಿದ್ದ ಮದಿರೆ ರುಚಿ ಕಳೆದುಕೊಂಡಿತು, ಮಕ್‍ಫಿ, ಲೋಕದಲ್ಲಿ ನನ್ನಿರುವು ಅರ್ಥ ಕಳೆದುಕೊಂಡಿತು. ಇನ್ನಿಲ್ಲಿ ಕಳೆಯಲ್ಲದೆ, ಹಿಡಿ ಹುಲ್ಲೂ ಬೆಳೆಯದು, ಜೀವನದ ಕಡುವಸಂತ ಮತ್ತೆಂದೂ ಮರಳದು. ಖುಷಿಯನರಸಿ ಕೊನೆತನಕ ಅಂಡಲೆದೆ ನಾನು, ಚಾಚಿರುವ ಖಾಲಿ ಕೈ, ಗೆಳೆಯರನು ಸೆಳೆಯದು. ದೇವ ಕರುಣೆಯ ಧಾರೆ ಹರಿಸದಿರೆ ನನ್ನ ಮೇಲೆ, ಪ್ರಾರ್ಥನೆಯ ಬೆಲೆ ಕವಡೆಗೂ ಕಡೆಯಾಗಿ ಹೋಗುವುದು. ದುಃಖಿಸಬೇಡ ಮಕ್‍ಫಿ, ದಿಟ್ಟಿಸಿ ನೋಡು ಅಂತರಂಗದೊಳಗೆ; ಜಗದ ಸಂಭ್ರಮವೆಲ್ಲ […]

ಯಾರೂ ತಲುಪಲಾಗದು ಯಾರನ್ನೂ… : ಅತ್ತಾರನ ಸೂಫಿ ಪದ್ಯ

“ತೌಬಾ ಬೋಧಿಸಲು ಬಂದಿರುವೆನು ನಾನು. ಪಶ್ಚಾತಾಪ ಪಟ್ಟು ಮರಳಿದರೆ ಅಧ್ಯಾತ್ಮವ ತೋರಿಸುವೆನು ನಾನು.” ಅಂದವನಿಗೆ ಸಿಕ್ಕ ಉತ್ತರವೇನು ಗೊತ್ತೆ? ಅತ್ತಾರನ ಪದ್ಯ ~ ಫರೀದುದ್ದೀನ್ ಅತ್ತಾರ್ | ಕನ್ನಡಕ್ಕೆ: ಸುನೈಫ್ ದೇವರನ್ನು ನಂಬಿರೆಂದು ಬೋಧಿಸಿ ಕುಡುಕರನ್ನು ಸರಿದಾರಿಗೆ ತರೋಣವೆಂದು ಗಡಂಗಿನ ಬಾಗಿಲು ತುಳಿದ ಆ ಮುಂಜಾನೆ ಎಲ್ಲ ಧಾರ್ಮಿಕರಂತೆ ಕೈಯಲೊಂದು ಜಪಮಣಿಯಿತ್ತು ಹೆಗಲಲೊಂದು ಮುಸಲ್ಲಾ ಬಿದ್ದುಕೊಂಡಿತ್ತು. ಕುಡುಕರಲ್ಲಿ ಒಬ್ಬ ಕೇಳಿದ: “ಶೇಖ್ ಮಹಾಶಯರಿಗೆ ಇಲ್ಲೇನು ತುರ್ತು?” “ತೌಬಾ ಬೋಧಿಸಲು ಬಂದಿರುವೆನು ನಾನು. ಪಶ್ಚಾತಾಪ ಪಟ್ಟು ಮರಳಿದರೆ ಅಧ್ಯಾತ್ಮವ […]

ಮೌನ : ಸಾದಿ ಶಿರಾಝಿಯ ಸೂಫಿ ಪದ್ಯ

ಮೂಲ :  ಶೇಖ್ ಸಾದಿ ಶಿರಾಝಿ | ಕನ್ನಡಕ್ಕೆ: ಸುನೈಫ್ ಮೂರ್ಖನಿಗೆ ಮೌನವೇ ಕಿರೀಟ ಮತ್ತು, ಇದನವ ಅರಿತ ದಿನ ಮೂರ್ಖನಾಗಿ ಉಳಿದಿರುವುದಿಲ್ಲ ನಿನ್ನ ಮಾತುಗಳು ಗೌಣವಾಗುವ ಕಡೆ ನಾಲಗೆ ಮಡಚಿಟ್ಟು ಸುಮ್ಮನಿದ್ದು ಬಿಡು. ಜಗಳವಿರದು, ನಾಲಗೆ ತೂಕವಿದ್ದರೆ; ತಿರುಳಿಲ್ಲದ ಕಾಯಿಗೆ ತೂಕವೂ ಕಮ್ಮಿ. ಪಶುಗಳು ನಿನ್ನ ಮಾತು ಕಲಿಯುವುದಿಲ್ಲ, ಅವುಗಳ ಮೌನವನ್ನು ನೀನೇ ಕಲಿತು ಬಿಡು. ಆಡುವ ಮಾತಿನಲ್ಲಿ ಉತ್ತರವಿಲ್ಲದಿದ್ದರೆ ಅವನ ಮಾತುಗಳ ಕಡೆಗಣಿಸಿ ಬಿಡು. ಬಾ ಗೆಳೆಯನೇ, ನಿನ್ನ ಮಾತುಗಳ ದಾಖಲಿಸು ಅಥವಾ, ಮೂಕಪ್ರಾಣಿಯಂತೆ […]

ಹಫೀಜನ ಮೂರು ಪದ್ಯಗಳು

ಮೂಲ : ಹಫೀಜ್ | ಅನುವಾದ : ಚಿದಂಬರ ನರೇಂದ್ರ ಇದೊಳ್ಳೆ ವ್ಯವಹಾರ ! ನಮ್ಮ ಮಹಾನ್ ಧರ್ಮಗಳೇಲ್ಲ ಸರಕು ಸಾಗಿಸುವ ದೊಡ್ಡ ದೊಡ್ಡ ಹಡಗುಗಳಾದರೆ, ಈ ಕವಿತೆಗಳು ಜೀವ ರಕ್ಷಕ ದೋಣಿಗಳಂತೆ. ನನಗೆ ಗೊತ್ತಿರುವ ಪ್ರತೀ ಜಾಣ ಮನುಷ್ಯನೂ ಹಡಗಿನಿಂದ ದೋಣಿಗೆ ಹಾರಿದ್ದಾನೆ ಇದೊಳ್ಳೆ ವ್ಯವಹಾರ ಅಲ್ಲವೆ ಹಫೀಜ್? ~ ಹಫೀಜನಿಗೆ ಅದೊಂದೇ ಕೆಲಸ ಆಕಾಶ ಒಂದು ಜೋತು ಬಿದ್ದ ನೀಲೀ ಸಮುದ್ರ. ನಕ್ಷತ್ರಗಳು ಸಾಗರದಲ್ಲಿ ಈಜುತ್ತಿರುವ ಪುಟ್ಟ ಪುಟ್ಟ ಮೀನುಗಳು. ಗ್ರಹ ಮಂಡಲಗಳು ನಾನು […]

ಕುರುಡು ಖಗೋಳ ಯಾತ್ರಿ ಜೊತೆ ಮಾತುಕತೆ : ಒಂದು ಗಿಬ್ರಾನ್ ಪದ್ಯ

ದೇವಸ್ಥಾನದ ನೆರಳಲ್ಲಿ ಒಬ್ಬಂಟಿಯಾಗಿ ಕುಳಿತಿದ್ದ ಕುರುಡನೊಬ್ಬ ನಮ್ಮ ಕಣ್ಣಿಗೆ ಬಿದ್ದ. ಅಗೋ ಅಲ್ಲಿ ನೋಡು  ಈ ನೆಲದ ಅತ್ಯಂತ ದೊಡ್ಡ ಜ್ಞಾನಿಯನ್ನು ಗೆಳೆಯ ಉತ್ಸಾಹದಿಂದ ಕೂಗಿಕೊಂಡ. ಗೆಳೆಯನನ್ನು ಹಿಂದೆ ಬಿಟ್ಟು  ನಾನು ಕುರುಡನ ಹತ್ತಿರ ಹೋದೆ, ಬಹಳ ಹೊತ್ತು ನಾವು ಅದು, ಇದು ಮಾತನಾಡಿದೆವು. ಯಾವತ್ತಿನಿಂದ ನಿನಗೆ ಈ ಕುರುಡು? ನಾನು ಹುಟ್ಟು ಕುರುಡ ಸ್ವಾಮಿ ಎಷ್ಟು ಮೋಹಕವಾಗಿದೆ ನಿನ್ನ ಮಾತು  ಯಾವ ಜ್ಞಾನದ ಮಾರ್ಗ ನಿನ್ನದು? ನಾನೊಬ್ಬ ಖಗೋಳ ಯಾತ್ರಿ ಆತ, ತನ್ನ ಕೈ ಎದೆ […]

ಹೇಗಿದೆ ದುಃಖ, ರುಚಿಯಾಗಿದೆಯಾ? : ಒಂದು ರೂಮಿ ಪದ್ಯ

ದುಃಖವನ್ನು ಬಟ್ಟಲಲ್ಲಿ ಸುರಿದುಕೊಂಡು ಚಪ್ಪರಿಸುತ್ತ ಕುಳಿತಿದ್ದ ಸಂಕಟವನ್ನು ಅಂತಃಕರಣದಿಂದ ಮಾತಿಗೆಳೆದೆ ; ” ಹೇಗಿದೆ ದುಃಖ? ರುಚಿಯಾಗಿದೆಯಾ?” “ಓಹ್ ! ಸಿಕ್ಕಿಹಾಕಿಕೊಂಡೆ ” ಕಿರುಚಿತು ಸಂಕಟ. “ನನ್ನ ವ್ಯಾಪಾರಕ್ಕೆ ಕಲ್ಲು ಹಾಕಿದೆ ನೀನು, ಮಾರಬೇಕೆಂದುಕೊಂಡಿದ್ದೆ ನಿನ್ನ ದಯೆಯೆಂದು ಗೂತ್ತಾದ ಮೇಲೆ ಹೇಗೆ ತಾನೆ ಮಾರಲಿ? ” ~ ರೂಮಿ | ಕನ್ನಡಕ್ಕೆ : ಚಿದಂಬರ ನರೇಂದ್ರ