ಜೀವನದ ಸಾರ್ಥಕತೆ ಕುರಿತು ರೂಮಿ ಹೇಳಿದ್ದು….

ಸೂಫಿ ಸಾಧಕ ಜಲಾಲುದ್ದಿನ್ ರೂಮಿಯ ರಚನೆಯೊಂದರಲ್ಲಿ ಬರುವ ಪ್ರಶ್ನೋತ್ತರ ಹೀಗಿದೆ…. ಯಾವುದು ವಿಷ ? ಭಯ ಯಾವುದು? ಹೊಟ್ಟೆಕಿಚ್ಚು ಎಂದರೆ…. ಕೋಪ ಬರುವುದು ಹೇಗೆ? ದ್ವೇಷ ಹೇಗೆ ಉಂಟಾಗುತ್ತದೆ? ಜೀವನದ ಸಾರ್ಥಕತೆ (ಸಂಗ್ರಹ ಮತ್ತು ಅನುವಾದ : ಅಲಾವಿಕಾ)

ಸಂಕಟದ ನಂತರ  ಒದಗಿ ಬರುವ ಅಮೃತದ ಹನಿಗಳು… : ಒಂದು ರೂಮಿ ಪದ್ಯ

ಮೂಲ : ಜಲಾಲುದ್ದಿನ್ ರೂಮಿ | ಕನ್ನಡಕ್ಕೆ : ಚಿದಂಬರ ನರೇಂದ್ರ ನಿಜದ ಮನುಷ್ಯರು ಬಲ್ಲ ರಸವಿದ್ಯೆಯ ಬಗ್ಗೆ ಗಮನ ಹರಿಸು. ನಿನಗೆ ದಯಪಾಲಿಸಲಾಗಿರುವ ಕಷ್ಟಗಳನ್ನು ಒಮ್ಮೆ ಒಪ್ಪಿಕೊಂಡುಬಿಟ್ಟೆಯಾದರೆ ಒಂದು ಹೊಸ ಬಾಗಿಲು ತಾನೇ ತಾನಾಗಿ ತೆರೆದುಕೊಳ್ಳುತ್ತದೆ. ಕಠಿಣ ಪರಿಸ್ಥಿತಿಗಳನ್ನು, ಪರಿಚಿತ ಗೆಳೆಯನೊಬ್ಬನನು ಅಪ್ಪಿಕೊಳ್ಳುವಂತೆ ತೋಳು ಚಾಚಿ ಸ್ವಾಗತಿಸು. ಅವನು ತನ್ನ ಜೊತೆಗೆ ತಂದ ಯಾತನೆಗಳ  ಪಕ್ಕೆ ಹಿಂಡಿ ತಮಾಷೆ ಮಾಡು. ದುಃಖಗಳು,  ಚಿಂದಿ ಬಟ್ಟೆಯ ಕೌದಿಯ ಹಾಗೆ ಬೇಕಾದಾಗ ಹೊದ್ದು ಕಳಚಿಟ್ಟು ಬಿಡಬೇಕು. ಈ ಕಳಚುವಿಕೆ […]

ಶಮ್ಸ್ ಹೇಳಿದ ಪ್ರೇಮದ ನಲವತ್ತು ನಿಯಮಗಳು : ನಿಯಮ #3

ಮೂಲ : ಶಮ್ಸ್ ಎ ತಬ್ರೀಝ್ | ಕನ್ನಡಕ್ಕೆ : ಚಿದಂಬರ ನರೇಂದ್ರ ಭಗವಂತನನ್ನು ನಾವು ಯಾವ ರೀತಿ ಕಾಣುತ್ತೇವೆ ಎನ್ನುವುದು, ನಮ್ಮನ್ನು ನಾವು ಯಾವ ರೀತಿ ಕಾಣುತ್ತೇವೆ ಎನ್ನುವುದರ ನೇರ ಪ್ರತಿಬಿಂಬ. ಭಗವಂತನ ನೆನಪು ನಮ್ಮಲ್ಲಿ ಭಯ ಮತ್ತು ದೂಷಣೆ ಹುಟ್ಟಿಸಿದರೆ, ನಮಗೆ ನಮ್ಮ ಬಗ್ಗೆ ಭಯ ಮತ್ತು ನಾವು ನಮ್ಮನ್ನೇ ದೂಷಣೆಗೆ ಗುರಿಮಾಡಿಕೊಂಡಿದ್ದೇವೆ ಎಂದೇ ಅರ್ಥ. ಭಗವಂತ ಪೂರ್ಣ ಪ್ರೇಮಮಯಿಯಾಗಿಯೂ, ಅಂತಃಕರಣದಿಂದ ಕಂಗೊಳಿಸುವವನಂತೆ ಕಂಡರೆ ನಾವೂ ಪ್ರೇಮದಲ್ಲಿ ಮುಳುಗಿದವರು ಮತ್ತು ಅಂತಃಕರಣ ತುಂಬಿಕೊಂಡವರು. 2ನೇ […]

‘ದಡ್ಡ ರೂಮಿ!’ ಶಮ್ಸ್ ಹಾಗಂದಿದ್ದೇಕೆ….. : ಸೂಫಿ ಪದ್ಯ

ಮೂಲ : ಶಮ್ಸ್ ಎ ತಬ್ರೀಝ್ | ಕನ್ನಡಕ್ಕೆ : ಚಿದಂಬರ ನರೇಂದ್ರ ನನಗೆ ಖಾತ್ರಿ ಇದೆ ಮುಂದಿನ ಕೆಲ ವರ್ಷಗಳಲ್ಲಿ ಜನ ಹೀಗೆ ಮಾತನಾಡಿಕೊಳ್ಳುತ್ತಾರೆ. ರೂಮಿ ಇದ್ದಾಗ, ನಾವೂ ಇದ್ದರೆ ಎಷ್ಟು ಚೆನ್ನಿತ್ತು, ಅವನ ಗೆಳೆತನದ ಭಾಗ್ಯ ನಮಗೂ ಸಾಧ್ಯವಾಗುತ್ತಿತ್ತು, ಅವನ ಮಾತುಗಳನ್ನ ಸಾಕ್ಷಾತ್ ಅವನು ಮಾತಾಡುತ್ತಿರುವಾಗಲೇ ಕೇಳುವ ಅವಕಾಶ ಲಭ್ಯವಾಗುತ್ತಿತ್ತು. ಗೆಳೆಯರೇ ಅವನ ಸಂಗಾತ ನಮಗೆ ಈಗ ಸಾಧ್ಯವಾಗಿದೆ, ಯಾವ ಜಾಣರಾದರೂ ಈ ಅವಕಾಶ ಬಿಡುವುದುಂಟೆ? ಸಮಸ್ತ ಪ್ರವಾದಿಗಳ ಆತ್ಮಗಳು ಅವನನ್ನು ದಿಟ್ಟಿಸಿ ನೋಡುತ್ತಿರುವ […]

ರೂಮಿ ಕುರಿತು ಶಮ್ಸ್ ಹೇಳಿದ್ದು….. : ಒಂದು ಸೂಫಿ ಪದ್ಯ

ಮೂಲ : ಶಮ್ಸ್ ಎ ತಬ್ರೀಝ್ | ಕನ್ನಡಕ್ಕೆ : ಚಿದಂಬರ ನರೇಂದ್ರ ಜನ ತಮ್ಮ ಸಮಸ್ಯೆಗಳನ್ನು ನನ್ನೆದುರು ಹೇಳಿಕೊಳ್ಳುತ್ತಾರೆ. ಪ್ರತೀಬಾರಿ ಒಂದು ಸಮಸ್ಯೆಗೆ ಹತ್ತು ಪರಿಹಾರಗಳನ್ನು ಸೂಚಿಸುತ್ತೇನೆ, ಎಲ್ಲ ತಾಜಾ ಉತ್ತರಗಳೇ. ನಾನು ಸೂಚಿಸಿದ ಪ್ರತೀ ಸಮಾಧಾನದಲ್ಲಿಯೂ ಒಂದು ಘನತೆ, ಒಂದು ಸ್ಪಷ್ಟತೆ ಇದೆ. ಯಾವ ಪುಸ್ತಕಗಳಲ್ಲಿಯೂ ಇಂಥ ಉತ್ತರಗಳನ್ನು ನೀವು ಕಾಣಲಾರಿರಿ. ರೂಮಿ ಒಮ್ಮೆ ಹೇಳಿದ, ನನಗೆ ನಿನ್ನ ಬಗ್ಗೆ ಗೊತ್ತಿರುವುದರಿಂದ ಹೇಳುತ್ತೇನೆ ಶಮ್ಸ್, ನನಗೆ ಅತ್ಯಂತ ಪ್ರೀಯವಾದ ಈ ಪುಸ್ತಕಗಳು ಸತ್ತ ಪಠ್ಯದಂತೆ […]

ಪ್ರೇಮದಲ್ಲಿ ಇರುವುದೆಲ್ಲ ಇಷ್ಟೇ…. : ಒಂದು ರೂಮಿ ಪದ್ಯ

ಮೂಲ : ಸೂಫಿ ಜಲಾಲುದ್ದಿನ್ ರೂಮಿ | ಕನ್ನಡಕ್ಕೆ : ಚಿದಂಬರ ನರೇಂದ್ರ ಪ್ರೇಮದಲ್ಲಿ ಇದು ಹೀಗೇ ಎಂದು ಹೇಳುವ ನಿಯಮಗಳಿಲ್ಲ, ಯಾರು ಹೆಚ್ಚು ಪ್ರೇಮಿಸುತ್ತಾರೆ ಯಾರು ಕಡಿಮೆ ಎನ್ನುವ ಸಂಶಯಗಳಿಲ್ಲ, ಯಾರು ಉನ್ಮತ್ತರು, ಯಾರು ಸ್ಥಿತಪ್ರಜ್ಞರು  ಎನ್ನುವ ತಮಾಷೆಗಳಿಲ್ಲ. ಪ್ರೇಮದಲ್ಲಿ, ಶಾಸ್ತ್ರಗಳನ್ನು ಬಾಯಿಪಾಠ ಮಾಡಿ  ಒಪ್ಪಿಸುವ ಜಾಣತನವಿಲ್ಲ, ಗುರುಗಳಿಲ್ಲ, ಶಿಷ್ಯರಿಲ್ಲ, ಇರುವುದೆಲ್ಲ, ಕೇವಲ  ತುಂಟ ಕಾಲೆಳೆದಾಟ,  ಅರ್ಥಗಳಿಲ್ಲದ ಆಟಗಳು ಹೊಟ್ಟೆ ತುಂಬ ನಗು ಮತ್ತು ಮೈದುಂಬಿ ಕುಣಿತ.  

ದಕ್ಕಬಹುದಾದದ್ದು, ದಕ್ಕಬೇಕಾದದ್ದು… : ಒಂದು ರೂಮಿ ಪದ್ಯ

ಮೂಲ : ಸೂಫಿ ಜಲಾಲುದ್ದಿನ್ ರೂಮಿ | ಕನ್ನಡಕ್ಕೆ : ಚಿದಂಬರ ನರೇಂದ್ರ ಪ್ರಿಯಕರನ ಖಾಸಗೀತನ ತನ್ನ ಸುತ್ತ ಚಾಚಿಕೊಂಡಿರುವುದು ಗೊತ್ತಾಯಿತೆಂದರೆ ಪ್ರೇಮಿಗೆ ನಿದ್ದೆ  ಸಾಧ್ಯವಾಗುವುದೇ ಇಲ್ಲ. ಕೊಂಚ ಬಾಯಾರಿದ ಪ್ರೇಮಿ ಸ್ವಲ್ಪ ಹೊತ್ತು ಮಲಗಬಹುದೇನೋ, ಆದರೆ ಅವರಿಗೆ ನಿದ್ದೆಯಲ್ಲೂ  ನೀರಿನ ಕನಸು, ತುಂಬಿ ಹರಿಯುವ ಹಳ್ಳದ ಪಕ್ಕ ತಂಬಿಗೆ ತುಂಬ ನೀರು ಅಥವಾ ಆ ಇನ್ನೊಬ್ಬರ ಎದೆಯಿಂದ  ಚಿಮ್ಮುತ್ತಿರುವ ಆರ್ದ್ರ ಅಂತಃಕರಣ. ಇಡೀ ರಾತ್ರಿ ಈ ಅಪರೂಪದ ಸಂಭಾಷಣೆಗೆ ಕಿವಿಯಾಗಿರಿ, ಇದೊಂದೇ ಕ್ಷಣ  ನಿಮಗೆ ದಕ್ಕಬಹುದಾದದ್ದು, […]

ಹೇಗಿದೆ ದುಃಖ, ರುಚಿಯಾಗಿದೆಯಾ? : ಒಂದು ರೂಮಿ ಪದ್ಯ

ದುಃಖವನ್ನು ಬಟ್ಟಲಲ್ಲಿ ಸುರಿದುಕೊಂಡು ಚಪ್ಪರಿಸುತ್ತ ಕುಳಿತಿದ್ದ ಸಂಕಟವನ್ನು ಅಂತಃಕರಣದಿಂದ ಮಾತಿಗೆಳೆದೆ ; ” ಹೇಗಿದೆ ದುಃಖ? ರುಚಿಯಾಗಿದೆಯಾ?” “ಓಹ್ ! ಸಿಕ್ಕಿಹಾಕಿಕೊಂಡೆ ” ಕಿರುಚಿತು ಸಂಕಟ. “ನನ್ನ ವ್ಯಾಪಾರಕ್ಕೆ ಕಲ್ಲು ಹಾಕಿದೆ ನೀನು, ಮಾರಬೇಕೆಂದುಕೊಂಡಿದ್ದೆ ನಿನ್ನ ದಯೆಯೆಂದು ಗೂತ್ತಾದ ಮೇಲೆ ಹೇಗೆ ತಾನೆ ಮಾರಲಿ? ” ~ ರೂಮಿ | ಕನ್ನಡಕ್ಕೆ : ಚಿದಂಬರ ನರೇಂದ್ರ