ನೀವು ಸ್ವಲ್ಪ ಅತಿಯಾದ ಎಮೋಷನಲ್ ವ್ಯಕ್ತಿ ಎನ್ನುವುದನ್ನ ಗುರುತಿಸುವ ಹತ್ತು ಸಂಗತಿಗಳು ಇಲ್ಲಿವೆ. ~ ಸಂಗ್ರಹಾನುವಾದ : ಚಿದಂಬರ ನರೇಂದ್ರ

1. ಯಾರಿಗೂ NO ಎಂದು ಹೇಳುವುದು ನಿಮಗೆ ಸಾಧ್ಯವಾಗುವುದೇ ಇಲ್ಲ. ಅಕಸ್ಮಾತ್ ಹೇಳಿದರೂ ನಿಮ್ಮನ್ನು ಅಪರಾಧಿ ಪ್ರಜ್ಞೆ ಕಾಡುತ್ತಿರುತ್ತದೆ. ನೀವು ಜನರನ್ನು ಅತಿಯಾಗಿ ಪ್ರೀತಿಸುತ್ತಿರ ಮತ್ತು ಅತಿಯಾಗಿ ಹಚ್ಚಿಕೊಳ್ಳುತ್ತೀರ.
2. ಒಬ್ಬರೇ ಇದ್ದಾಗ ಮಾತ್ರ ನೀವು ಅಳುತ್ತೀರ. ಜನ ಏನನ್ನುತ್ತಾರೋ ಎಂದು ನೀವು ಯಾರ ಜೊತೆಯೂ ನಿಮ್ಮ ದುಃಖವನ್ನು ಹಂಚಿಕೊಳ್ಳುವುದಿಲ್ಲ.
3. ಬಹಳ ಬೇಗ ನೀವು ಜನರನ್ನ ಗೆಳೆಯರು ಎಂದು ಒಪ್ಪಿಕೊಂಡುಬಿಡುತ್ತೀರ. ನಿಮ್ಮ ಬದುಕಿನಲ್ಲಿ ಬಂದು ಹೋಗುವ ಪ್ರತಿ ತಾತ್ಕಾಲಿಕ ಜನರಿಗಾಗಿಯೂ ಚಡಪಡಿಸುತ್ತೀರ.
4. ಜನರೊಂದಿಗೆ ನೀವು ಸ್ವಲ್ಪ ಅತಿಯಾಗಿಯೇ ಒಳ್ಳೆಯವರಾಗಿರುತ್ತೀರ. ಪ್ರತಿಯೊಬ್ಬರ ಜೊತೆಯೂ ನೀವು ಅಂತಃಕರಣದಿಂದ ವ್ಯವಹರಿಸುತ್ತೀರ ಮತ್ತು ಅವರಿಂದಲೂ ಇಂಥದೇ ಪ್ರತಿಕ್ರಿಯೆಯನ್ನು ನಿರೀಕ್ಷಿಸುತ್ತೀರ.
5. ಯಾರು ನಿಮ್ಮನ್ನು ಬಳಸಿಕೊಳ್ಳುತ್ತಿದ್ದಾರೆ ಎನ್ನುವುದು ನಿಮಗೆ ಗೊತ್ತಾಗುವುದಿಲ್ಲ ಏಕೆಂದರೆ, ನೀವು ಯಾವತ್ತೂ ಅವರನ್ನು ಹಾಗೆ ಟ್ರೀಟ್ ಮಾಡಿರುವುದಿಲ್ಲ.
6. ನೀವು ಸಾಫ್ಟ್ ಪರ್ಸನ್ ಆಗಿರುವುದರಿಂದ ಯಾರನ್ನೂ ಉದ್ದೇಶಪೂರ್ವಕವಾಗಿ ಹರ್ಟ ಮಾಡುವುದು ನಿಮಗೆ ಸಾಧ್ಯವಾಗುವುದಿಲ್ಲ
7. ಕಣ್ಣೀರು ತುಂಬಿಕೊಳ್ಳದೇ ನಿಮ್ಮಿಂದ ಯಾವ ಎಮೋಷನ್ ನ್ನೂ ಅಭಿವ್ಯಕ್ತಿಸುವುದು ಸಾಧ್ಯವಾಗುವುದೇ ಇಲ್ಲ .
8. ನೀವು ಎಷ್ಟು ಸಂವೇದನಾಶೀಲರಾಗಿರುತ್ತೀರಿ ಎಂದರೆ, ಜನರ ವರ್ತನೆಯಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ಅದು ನಿಮಗೆ ಕೂಡಲೇ ಗೊತ್ತಾಗಿಬಿಡುತ್ತದೆ.
9. ನಿಮ್ಮ ಭಾವನೆಗಳು ತೀವ್ರವಾಗಿರುತ್ತವೆ. ನೀವು ಪ್ರತಿ ಬಾರಿಯೂ ನಿಮ್ಮನ್ನು ಜನರ ಜಾಗೆಯಲ್ಲಿಟ್ಟುಕೊಂಡು ಅವರ ಸಮಸ್ಯೆಗಳನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸುತ್ತೀರ.
10. ನೀವು ಜನರನ್ನು ಕಳೆದುಕೊಳ್ಳಲು ಬಯಸುವುದಿಲ್ಲ. ಅವರ ಎಲ್ಲ ಸಮಸ್ಯೆಗಳಿಗೂ ಪರಿಹಾರ ಹುಡುಕಲು ಸಿದ್ಧರಾಗಿಬಿಡುತ್ತೀರ. ಆದರೂ ಕೊನೆಗೆ ನೀವು ಒಂಟಿಯಾಗಿಯೇ ಉಳಿದುಕೊಂಡುಬಿಡುತ್ತೀರ.