ಮೂಲ : ಲಾವೋ ತ್ಸು | ಕನ್ನಡಕ್ಕೆ : ಚಿದಂಬರ ನರೇಂದ್ರ
ಅಂಡಲೆಯುವ ಮನಕೆ ಆಮಿಷ ತೋರಿ
ಸ್ವಂತದಲಿ ಒಂದಾಗಿಸುವುದು ಸಾಧ್ಯವೆ?
ನಿಮ್ಮ ದೇಹವ ನೆನಸಿ ನೆನಸಿ
ಹಸು ಕಂದನ ಕೋಮಲ ಶರೀರ ದಿವ್ಯವಾಗಿಸಬಹುದೆ?
ಕಾಣುವ ಕಣ್ಣಿಗೆ ಸಾಣೆ ಹಿಡಿದು
ಬರೀ ಬೆಳಕ ನೋಡುವುದು ಸಾಧ್ಯವೆ ?
ಚಾಟಿ-ಹುಕುಮು ಮೂಗುದಾಣವಿಲ್ಲದೆಯೇ
ಮೈ ನೇವರಿಸುತ್ತ ಬಂಡಿ ಓಡಿಸಬಹುದೆ?
ಎಲ್ಲ ನಿಚ್ಚಳವಾಗಿ ಕಾಣುತ್ತಿರುವಾಗಲೂ
ಒಂದು ಹೆಜ್ಜೆ ಹಿಂದೆ ಸರಿದು ನಿಶ್ಚಯ ಮಾಡಬಹುದೆ?
ಬೀಜ ಬಿತ್ತಿ, ಪಾತಿ ಮಾಡಿ, ನೀರು ಹಾಕಿ ಸುಮ್ಮನಾಗುವುದು,
ಹೆಸರಾಗಿಯೂ ಹೆಸರ ಉಸಿರದಿರುವುದು,
ಜಗ್ಗದಯೇ ಎಳೆಯುವುದು
ಸಚ್ಚಾರಿತ್ರದ ಮೂಲ ಬೇರುಗಳು.
