“ನಿಮಗೆ ಪ್ರೇಮದ ಹೊರತು ಇನ್ಯಾವ ದೇವರೂ ಇರದಿರಲಿ” ಅನ್ನುತ್ತಾನೆ ಮೋಶೆ
ಸೃಷ್ಟಿಯಲ್ಲಿ ಸ್ವಾರ್ಥವಿಲ್ಲದ್ದು ಎನ್ನುವಂಥದೇನಾದರೂ ಇದ್ದರೆ ಅದು ಪ್ರೇಮ. ಆದ್ದರಿಂದಲೇ ಅದು ‘ದೇವರು’. ಪ್ರೇಮವೇ ದೇವರು, ಪ್ರೇಮಿಸುವುದೇ ಪೂಜೆ. ಅದು ಇದ್ದಲ್ಲಿ ದ್ವೇಷಕ್ಕೆ, ಸ್ಪರ್ಧೆಗೆ, ಪೈಪೋಟಿಗೆ ಅವಕಾಶವೇ ಇರುವುದಿಲ್ಲ.
ಆದ್ದರಿಂದ ಮೋಸೆಸ್* (ಮೋಶೆ) ಹೇಳುತ್ತಾನೆ, “ನಿಮಗೆ ಪ್ರೇಮದ ಹೊರತು ಇನ್ಯಾವ ದೇವರೂ ಇರದಿರಲಿ” ಎಂದು.
(* ಮೋಸೆಸ್ ಹಳೆಯ ಒಡಂಬಡಿಕೆಯಲ್ಲಿ ಕಾಣಸಿಗುವ ಪ್ರವಾದಿ. ಯಹೂದಿ ಮತ್ತು ಕ್ರೈಸ್ತ ಸಮುದಾಯಗಳ ಪೂರ್ವಜ. ಇಸ್ಲಾಂ ಧರ್ಮದಲ್ಲಿ ಈತ ಪ್ರವಾದಿ ಮೂಸಾ ಎಂದು ಕರೆಯಲ್ಪಡುತ್ತಾನೆ)
