ನೀವು ಬದುಕನ್ನು ಅದರ ಎಲ್ಲ ಆಯಾಮಗಳೊಂದಿಗೆ, ಎಲ್ಲ ಬಣ್ಣಗಳೊಂದಿಗೆ ಯಾವ ಭಯ, ಯಾವ ಅಪರಾಧಿ ಭಾವ ಇಲ್ಲದೇ ಇಡಿಯಾಗಿ ಬಾಳಬಹುದು. ನೀವು Zorba ಥರ ಡಾನ್ಸ್ ಮಾಡಬಹುದು Buddha ನ ರೀತಿ ಧ್ಯಾನ ಮಾಡಬಹುದು | ಓಶೋ ರಜನೀಶ್; ಕನ್ನಡಕ್ಕೆ: ಚಿದಂಬರ ನರೇಂದ್ರ

Zorba the Buddha ಮಾನವತೆಯ ಭವಿಷ್ಯ. ಮತ್ತು ನೀವೆಲ್ಲರು Zorba the Buddha ಆಗಬೇಕು. ಯಾವುದನ್ನೂ ನಿರಾಕರಿಸುವಂತಿಲ್ಲ, ಯಾವುದನ್ನೂ ಬಿಡುವಂತಿಲ್ಲ. ಪ್ರತಿಯೊಂದನ್ನೂ ಆನಂದಿಸಬೇಕು ; ಪ್ರತಿಯೊಂದನ್ನೂ ಅರ್ಥಮಾಡಿಕೊಳ್ಳಬೇಕು. ಪ್ರತಿಯೊಂದೂ ಹೇಗೆ ಬದಲಾಗಬೇಕೆಂದರೆ ಅದು ನಿಮಗಾಗಿ ಹೊಸ ಶ್ರೀಮಂತಿಕೆಯ, ಪೋಷಣೆಯ , ಪುನರುಜ್ಜೀವನದ ಮೂಲವಾಗಬೇಕು.

ದಯವಿಟ್ಟು ನೋವುಗಳನ್ನ ಬಿಟ್ಟುಬಿಡಬೇಡಿ, ಅರ್ಥಮಾಡಿಕೊಳ್ಳಲು ಪ್ರಯತ್ನ ಮಾಡಿ. ಈ ಅರ್ಥಮಾಡಿಕೊಳ್ಳುವಿಕೆಯಲ್ಲಿ ನೋವು ಮಾಯವಾಗಿ ಹೋಗುತ್ತದೆ. ಆದರೆ ನೋವು ಒಳಗೊಂಡ ಶಕ್ತಿ ನಿಮ್ಮಲ್ಲೇ ಉಳಿಯುತ್ತದೆ. ಇದೇ ಶಕ್ತಿ ಆನಂದವಾಗಿ ಬದಲಾಗುತ್ತದೆ.

ನೀವು ಬದುಕನ್ನು ಅದರ ಎಲ್ಲ ಆಯಾಮಗಳೊಂದಿಗೆ, ಎಲ್ಲ ಬಣ್ಣಗಳೊಂದಿಗೆ ಯಾವ ಭಯ, ಯಾವ ಅಪರಾಧಿ ಭಾವ ಇಲ್ಲದೇ ಇಡಿಯಾಗಿ ಬಾಳಬಹುದು. ನೀವು Zorba ಥರ ಡಾನ್ಸ್ ಮಾಡಬಹುದು Buddha ನ ರೀತಿ ಧ್ಯಾನ ಮಾಡಬಹುದು. ನನಗೆ ಇವುಗಳಲ್ಲಿ ಯಾವ ದ್ವಂದ್ವವೂ ಕಾಣುವುದಿಲ್ಲ. Infact ನೀವು ಪರಿಪೂರ್ಣವಾಗಿ, ಆಳವಾಗಿ ಡಾನ್ಸ್ ಮಾಡುವಿರಾದರೆ, ಎಷ್ಟು ಆಳ ಎಂದರೆ ಕೊನೆಗೆ ಡಾನ್ಸರ್ ಮಾಯವಾಗಿ ಕೇವಲ ಡಾನ್ಸ್ ಉಳಿದುಕೊಳ್ಳುತ್ತದಲ್ಲ ಅಷ್ಟು ಆಳವಾಗಿ ಡಾನ್ಸ್ ಮಾಡುವಿರಾದರೆ, ಅದು ಧ್ಯಾನ ಆರಂಭ ಮಾಡಲು ಸರಿಯಾದ ಸಮಯ.

ಮತ್ತು ನಿಮ್ಮನ್ನು ನೀವು ಆಳವಾಗಿ ಧ್ಯಾನದಲ್ಲಿ ತೊಡಗಿಸಿಕೊಂಡು, ಎಷ್ಟು ಮೌನ, ಪ್ರಶಾಂತತೆ ಮತ್ತು ಆನಂದವನ್ನು ಹೊಂದಿದ್ದೀರೆಂದರೆ ಅದು ನಿಮಗೆ ಸಾಕಾಗಿ ನೀವು ಅದನ್ನು ಈಗ ಇಡೀ ಜಗತ್ತಿಗೆ ಹಂಚಲು ಹಾತೊರೆಯುತ್ತಿರುವಿರಿ. ಇದು ಡಾನ್ಸ್ ಶುರುಮಾಡಲು ಸರಿಯಾದ ಸಮಯ. ಆಗ ನಿಮ್ಮ ಡಾನ್ಸ್ ಇಡೀ ಜಗತ್ತಿನ ತನ್ನ ಹಾರೈಕೆಗಳ ಮಳೆ ಸುರಿಸುತ್ತದೆ .

ಈ ಜಗತ್ತನ್ನು ಸ್ವರ್ಗ ಮಾಡಬಹುದು, ನಾವು ಒಂದಾಗಿದ್ದಾಗ – ಯಾವಾಗ ದೇಶಗಳ ಗಡಿಗಳಿರುವುದಿಲ್ಲವೋ, ಮಂದಿರ, ಮಸಿದಿ, ಚರ್ಚ್ ಗಳಿರುವುದಿಲ್ಲವೋ, ಮತಗಳಿರುವುದಿಲ್ಲವೋ, ಮನುಷ್ಯನನ್ನು ಭಾಗ ಮಾಡುವ ಯಾವ ಸಂಗತಿಯೂ ಇರುವುದಿಲ್ಲವೋ ಆಗ ನಾವು ಈ ಜಗತ್ತನ್ನು ಸ್ವರ್ಗ ಮಾಡಬಹುದು. ಈ ದ್ವೇಷ, ಹೊಡೆದಾಟ, ಯುದ್ಧ ಗಳಿಂದ ಉಳಿದ ಸಾಮರ್ಥ್ಯವನ್ನು ಜಗತ್ತಿನಲ್ಲಿ ಹೊಸ ಪ್ರಜ್ಞೆಯ ಹೂವುಗಳನ್ನು ಅರಳಿಸಲು ನಾವು ಬಳಸಬಹುದು.

(Zorba the Buddha ಚಿತ್ರ ಕೃಪೆ: Internet)