ಮೂಲ : ಲಾವೋ ತ್ಸು | ಕನ್ನಡಕ್ಕೆ : ಚಿದಂಬರ ನರೇಂದ್ರ
ಅತ್ಯುತ್ತಮ ಕ್ರೀಡಾಪಟುವಿಗೆ
ಸರಿ ಸಮನಾದ ಸ್ಪರ್ಧಿಯ ಬಯಕೆ.
ಅತ್ಯುತ್ತಮ ದಂಡನಾಯಕನಿಗೆ
ವೈರಿಯ ಮನಸ್ಸನ್ನು ನಿಯಂತ್ರಿಸುವ ಇಚ್ಛೆ.
ಅತ್ಯುತ್ತಮ ವ್ಯಾಪಾರಿ
ಸುತ್ತ ಮುತ್ತಲಿನವರ ಹಿತವನ್ನು ಬಯಸುತ್ತಾನೆ.
ಅತ್ಯುತ್ತಮ ನಾಯಕ
ಜನರ ಅವಶ್ಯಕತೆಗಳನ್ನು ಹಿಂಬಾಲಿಸುತ್ತಾನೆ.
ಈ ಯಾರಿಗೂ ಸ್ಪರ್ಧೆಯ ಹಂಬಲವಿಲ್ಲ.
ಸ್ಪರ್ಧೆಯ ಬಗ್ಗೆ ತಕರಾರಿಲ್ಲದಿದ್ದರೂ
ಸ್ಪರ್ಧೆಗಿಂತ ಆಟದ ಬಗ್ಗೆಯೇ ಹೆಚ್ಚು ಆಸಕ್ತಿ.
ಈ ವಿಷಯದಲ್ಲಿ ಇವರು ಮಕ್ಕಳಂತೆ
ಪೂರ್ತಿಯಾಗಿ ತಾವೋದಲ್ಲಿ ಮಗ್ನರು.
