ವಿದ್ಯಾರ್ಥಿಯೊಬ್ಬನಿಗೆ ಜಗತ್ತಿನಲ್ಲಿ ಅತ್ಯಮೂಲ್ಯವಾದ ವಸ್ತು ಯಾವುದಿರಬಹುದು ಎಂಬ ಜಿಜ್ಞಾಸೆ ಹುಟ್ಟಿಕೊಂಡಿತು. ಝೆನ್ ಗುರು ಸೋಝನ್ ಬಳಿ ಸಾರಿ ಕೇಳಿದ: “ಈ ಜಗತ್ತಿನಲ್ಲಿ ಅತ್ಯಮೂಲ್ಯವಾದ ವಸ್ತು ಯಾವುದು?”
“ಸತ್ತ ಬೆಕ್ಕಿನ ತಲೆ” ಎಂದು ಉತ್ತರಿಸಿದ ಸೋಝನ್.
“ಸತ್ತ ಬೆಕ್ಕಿನ ತಲೆ ಅದು ಹೇಗೆ ಅತ್ಯಮೂಲ್ಯವಾದ ವಸ್ತುವಾಗುತ್ತದೆ?”
“ಸತ್ತ ಬೆಕ್ಕಿನ ತಲೆಯ ಬೆಲೆ ಎಷ್ಟೆಂದು ಯಾರಾದರೂ ಹೇಳಲು ಸಾಧ್ಯವಿದೆಯೇ?” ಮರುಪ್ರಶ್ನೆ ಹಾಕಿ ಮಾತು ಮುಗಿಸಿದ ಸೋಝನ್.