ಮೌನ : ಸಾದಿ ಶಿರಾಝಿಯ ಪದ್ಯ : ಸೂಫಿ ಕಾರ್ನರ್

ಮೂಲ :  ಶೇಖ್ ಸಾದಿ ಶಿರಾಝಿ | ಕನ್ನಡಕ್ಕೆ: ಸುನೈಫ್

ಮೂರ್ಖನಿಗೆ ಮೌನವೇ ಕಿರೀಟ
ಮತ್ತು, ಇದನವ ಅರಿತ ದಿನ
ಮೂರ್ಖನಾಗಿ ಉಳಿದಿರುವುದಿಲ್ಲ

ನಿನ್ನ ಮಾತುಗಳು ಗೌಣವಾಗುವ ಕಡೆ
ನಾಲಗೆ ಮಡಚಿಟ್ಟು ಸುಮ್ಮನಿದ್ದು ಬಿಡು.
ಜಗಳವಿರದು, ನಾಲಗೆ ತೂಕವಿದ್ದರೆ;
ತಿರುಳಿಲ್ಲದ ಕಾಯಿಗೆ ತೂಕವೂ ಕಮ್ಮಿ.

ಪಶುಗಳು ನಿನ್ನ ಮಾತು ಕಲಿಯುವುದಿಲ್ಲ,
ಅವುಗಳ ಮೌನವನ್ನು ನೀನೇ ಕಲಿತು ಬಿಡು.
ಆಡುವ ಮಾತಿನಲ್ಲಿ ಉತ್ತರವಿಲ್ಲದಿದ್ದರೆ
ಅವನ ಮಾತುಗಳ ಕಡೆಗಣಿಸಿ ಬಿಡು.

ಬಾ ಗೆಳೆಯನೇ, ನಿನ್ನ ಮಾತುಗಳ ದಾಖಲಿಸು
ಅಥವಾ, ಮೂಕಪ್ರಾಣಿಯಂತೆ ಮೌನವಾಗಿರು.

 

About ಅರಳಿ ಮರ

ಆಧ್ಯಾತ್ಮ, ವ್ಯಕ್ತಿತ್ವ ವಿಕಸನ ಮತ್ತು ಜೀವನ ಶೈಲಿ

Leave a Reply