ಬಲ ಭಾಗದಲ್ಲಿ ಸನ್ಯಾಸಿನಿ, ಎಡ ಭಾಗದಲ್ಲಿ ವೇಶ್ಯೆ ಬಂದರೆ… ~ ಗಿಬ್ರಾನ್ ಕಾವ್ಯ ವಿರಾಮ #5

‘ಮರಳು ಮತ್ತು ನೊರೆ’ ಕೃತಿಯಿಂದ | ಮೂಲ: ಖಲೀಲ್ ಗಿಬ್ರಾನ್, ಕನ್ನಡಕ್ಕೆ: ಚಿದಂಬರ ನರೇಂದ್ರ ಯೌವನ ಮತ್ತು ಜ್ಞಾನ, ಒಂದೇ ಗುಡಿಯಲ್ಲಿ ಮುಖಾಮುಖಿಯಾಗುವುದೇ ಇಲ್ಲ. ಹರೆಯ ಜ್ಞಾನದ ಹುಡುಕಾಟದಲ್ಲಿದ್ದರೆ; ಅರಿವು, ಬದುಕಲು ಹಾತೊರೆಯುತ್ತದೆ. ನೀನು ಕಿಟಕಿಯೊಳಗೆ ಕುಳಿತು ಹೊರಗೆ ನೋಡುತ್ತಿದ್ದಿಯಾ ಅಂದುಕೋ. ನಿನ್ನ ಬಲಭಾಗದಲ್ಲಿ ಒಬ್ಬ ಸನ್ಯಾಸಿನಿ ಬರುತ್ತಿದ್ದಾಳೆ; ಮತ್ತು ಎಡಭಾಗದಲ್ಲಿ ಒಬ್ಬ ವೇಶ್ಯೆ. ನಿನ್ನ ಭೋಳೆ ಮನಸ್ಸು ಏನು ಹೇಳಬಹುದು ? ಒಬ್ಬಳು ಎಷ್ಟು ಸಾತ್ವಿಕಳು ಮತ್ತು ಇನ್ನೊಬ್ಬಾಕೆ ಎಷ್ಟು ಅನೈತಿಕ ಹೆಂಗಸು ಅಂತ ತಾನೇ ? ಈಗ ಕಣ್ಣು ಮುಚ್ಚಿಕೊಂಡು ಕೇಳಿಸಿಕೋ ; “ಒಬ್ಬಳು ಪ್ರಾರ್ಥನೆಯ ಮೂಲಕ ನನ್ನನ್ನು ಹುಡುಕುತ್ತಿದ್ದರೆ, […]

ಸುಭಾಷಿತಕಾರನ ಅಳಲು ~ ಭರ್ತೃಹರಿಯ ಸುಭಾಷಿತಗಳು #1

ಬೋದ್ಧಾರೋ ಮತ್ಸರಗ್ರಸ್ತಾಃ ಪ್ರಭವಃ ಸ್ಮಯದೂಷಿತಾಃ |  ಅಬೋಧೋಪಹತಾಶ್ಚಾನ್ಯೇ ಜೀರ್ಣಮಂಗೇ ಸುಭಾಷಿತಮ್ ||1|| ಅರ್ಥ : ತಿಳಿದವರು ನನ್ನ ಸುಭಾಷಿತಗಳನ್ನು ಮತ್ಸರದಿಂದ ಓದುವುದಿಲ್ಲ. ತಿಳಿಯದವರು ಓದಿಯೂ (ಅವರು ಅರ್ಥ ಮಾಡಿಕೊಳ್ಳಲಾಗದೆ) ಉಪಯೋಗವಾಗುವುದಿಲ್ಲ. ಈ ಸುಭಾಷಿತಗಳು ನನ್ನೊಳಗೇ ಜೀರ್ಣವಾಗಿಬಿಡುತ್ತವೆಯೋ ಏನೋ! ತಾತ್ಪರ್ಯ: ಈ ಶ್ಲೋಕದಲ್ಲಿ ಭರ್ತೃಹರಿಯ ಅಳಲು ವ್ಯಕ್ತವಾಗಿದೆ. “ನಾನು ಯಾರಿಗಾಗಿ ಸುಭಾಷಿತಗಳನ್ನು ಹೇಳಬೇಕು ? ಸುಭಾಷಿತದ ಒಳ ಅರ್ಥವನ್ನು ತಿಳಿಯಬಲ್ಲವರು, ತಿಳಿದು ಆಸ್ವಾದಿಸುವವರು, ಪಂಡಿತರು ಅಥವಾ ಜ್ಞಾನಿಗಳು ಮಾತ್ರ. ಆದರೆ ಈ ಪಂಡಿತರ ಸಹಜ ಸ್ವಭಾವ ಮತ್ಸರದಿಂದ  (ಹೊಟ್ಟೆಕಿಚ್ಚಿನಿಂದ) ಕೂಡಿದೆ. ವಿದ್ವಾಂಸರು ಇನ್ನೊಬ್ಬ ವಿದ್ವಾಂಸನನ್ನು ಸುಲಭದಲ್ಲಿ […]

ಕಾರ್ಲ್ ಯಂಗ್ ಹೇಳಿದ್ದು : ಅರಳಿಮರ POSTER

ಕಾರ್ಲ್ ಯಂಗ್, ಆಧುನಿಕ ಕಾಲಘಟ್ಟದ ಸ್ವಿಸ್ ಮನಶ್ಶಾಸ್ತ್ರಜ್ಞ, ತತ್ತ್ವಜ್ಞಾನಿ ಮತ್ತು ಸಾಹಿತಿ.  “ಯಾರು ಹೊರಗೆ ನೋಡುತ್ತಾರೋ ಅವರು ಕನಸು ಕಾಣುತ್ತಾರೆ. ಯಾರು ತಮ್ಮೊಳಗೆ ನೋಡಿಕೊಳ್ತಾರೋ ಅವರು ಜಾಗೃತರಾಗುತ್ತಾರೆ” ~ ಕಾರ್ಲ್ ಯಂಗ್

ಭಗವದ್ಗೀತೆ; ಅಧ್ಯಾಯ 8 ಮತ್ತು 9 : ಸನಾತನ ಸಾಹಿತ್ಯ ~ ಮೂಲಪಾಠಗಳು #18

ಈ ಸರಣಿಯಲ್ಲಿ ನಾವು ಸನಾತನ ಸಾಹಿತ್ಯದ ಪ್ರಾಥಮಿಕ ಮಾಹಿತಿಯನ್ನು ನೀಡುತ್ತಾ ಬಂದಿದ್ದೇವೆ. ವಿಶೇಷವಾಗಿ ಈ ಸಾಹಿತ್ಯದ ಕುರಿತು ಸಂಪೂರ್ಣ ಹೊಸತಾಗಿ ತಿಳಿಯಲು ಬಯಸುವ ಆಸಕ್ತರಿಗೆ ಮತ್ತು ಮಕ್ಕಳಿಗೆಂದೇ ಈ ಸರಣಿ ರೂಪಿಸಲಾಗಿದೆ.  ಅಧ್ಯಾಯ 8 : ಅಕ್ಷರ ಬ್ರಹ್ಮ ಯೋಗ   ಅರ್ಜುನನು “ದೇಹತ್ಯಾಗ ಮಾಡುವಾಗ ಮಾನಸಿಕ ಚಿಂತನೆ ಹೇಗಿರಬೇಕು? ದೇಹತ್ಯಾಗ ನಂತರ ಜೀವ ಯಾವ ಮಾರ್ಗದಲ್ಲಿ ಚಲಿಸುತ್ತದೆ?” ಇತ್ಯಾದಿ ಪ್ರಶ್ನೆಗಳನ್ನು ಕೇಳುವುದರೊಂದಿಗೆ ಎಂಟನೇ ಅಧ್ಯಾಯ ಪ್ರಾರಂಭವಾಗುತ್ತದೆ. ಈ ಪ್ರಶ್ನೆಗೆ ಗೀತಾಚಾರ್ಯನ ವಿವರಗಳು ಈ ಅಧ್ಯಾಯವನ್ನು ಆವರಿಸಿವೆ. ಅಸ್ತಿತ್ವ ಹಾಗೂ […]

ಪ್ರೇಮದ ಗುರುತ್ವವೇ ಜಗತ್ತನ್ನು ಕಾಯ್ದಿಡುವುದು…

ಯಾವುದಾದರೊಂದು ಸಂಗತಿ, ಅಥವಾ ಯಾವುದಾದರೂ ವ್ಯಕ್ತಿಯೆಡೆಗಿನ ಆಕರ್ಷಣೆಯೇ ಪ್ರೇಮ. ಜಗತ್ತನ್ನು ಸಮತೋಲನದಲ್ಲಿಟ್ಟಿರುವುದು ಇದೇ ಪ್ರೇಮ ಅಥವಾ ಆಕರ್ಷಣೆ ಅನ್ನುವುದು ರಾಮತೀರ್ಥರ ಹೇಳಿಕೆಯ ಸಾರ.   ಸ್ವಾಮಿ ರಾಮತೀರ್ಥರು ಪ್ರಕೃತಿ ನಿಯಮಗಳ ಬಗ್ಗೆ ಹೇಳುತ್ತಾ, ಹೇಗೆ ಕೆಲವೇ ಕೆಲವು ನಿಯಮಗಳು ಪ್ರತಿಯೊಂದರಲ್ಲೂ ಹಾಸುಹೊಕ್ಕಾಗಿದೆ ಎಂದು ಹೇಳುತ್ತಾರೆ. ಅದಕ್ಕೆ ಉದಾಹರಣೆಯಾಗಿ, ವಿಶ್ವದಲ್ಲಿ ಗ್ರಹಾದಿಗಳ ಪರಿಭ್ರಮಣೆಯಲ್ಲೂ ಪ್ರೇಮಿಯೊಬ್ಬನಿಂದ ಕಂಬನಿಯ ಉರುಳುವಲ್ಲೂ ಹೇಗೆ ಒಂದೇ ನಿಯಮ ಕೆಲಸ ಮಾಡುತ್ತದೆ ಎಂದವರು ವಿವರಿಸುತ್ತಾರೆ. “ಹೊರಗಿನ ನೋಟಕ್ಕೆ ಸಾವಿರಾರು ಬಗೆ ಬಣ್ಣಗಳು ಕಾಣುತ್ತಿದ್ದರೂ ಪ್ರಕೃತಿಯ ನಿಯಮಶೀಲತೆಯಲ್ಲಿ ಅತಿದಾರಿದ್ರ್ಯವಿದೆ” […]

ಬೇಂದ್ರೆ ಅನುವಾದದಲ್ಲಿ ಅರವಿಂದರು : ಅರಳಿಮರ POSTER

ಬೇಂದ್ರೆ ಮಹರ್ಷಿ ಅರವಿಂದರ ಅನುಯಾಯಿ. ಅವರ ಪೂರ್ಣಯೋಗವನ್ನು ಅರೆದು ಕುಡಿದವರು. ಅರವಿಂದರ ಅನುಭಾವ ಚಿಂತನೆಯನ್ನು ಅನುಭವಿಸಿಯೇ ಕನ್ನಡಕ್ಕೆ ತಂದ ಅಕ್ಷರ ಯೋಗಿಯಾಗಿದ್ದರು ಅಂಬಿಕಾತನಯದತ್ತ. ಈ ಪೋಸ್ಟರ್’ನಲ್ಲಿ ಇರುವುದು, ಅರವಿಂದರ ಸಾವಿತ್ರಿ ಖಂಡ ಕಾವ್ಯದ ಅನುವಾದದ ಚಿಕ್ಕದೊಂದು ತುಣುಕು.  

ಭಗವದ್ಗೀತೆ; ಅಧ್ಯಾಯ 6 ಮತ್ತು 7 : ಸನಾತನ ಸಾಹಿತ್ಯ ~ ಮೂಲಪಾಠಗಳು #17

ಈ ಸರಣಿಯಲ್ಲಿ ನಾವು ಸನಾತನ ಸಾಹಿತ್ಯದ ಪ್ರಾಥಮಿಕ ಮಾಹಿತಿಯನ್ನು ನೀಡುತ್ತಾ ಬಂದಿದ್ದೇವೆ. ವಿಶೇಷವಾಗಿ ಈ ಸಾಹಿತ್ಯದ ಕುರಿತು ಸಂಪೂರ್ಣ ಹೊಸತಾಗಿ ತಿಳಿಯಲು ಬಯಸುವ ಆಸಕ್ತರಿಗೆ ಮತ್ತು ಮಕ್ಕಳಿಗೆಂದೇ ಈ ಸರಣಿ ರೂಪಿಸಲಾಗಿದೆ.  ಅಧ್ಯಾಯ 6 : ಆತ್ಮ ಸಂಯಮ ಯೋಗ ಆರನೇ ಅಧ್ಯಾಯದಲ್ಲಿ ಧ್ಯಾನಯೋಗ ಮತ್ತು ಧ್ಯಾನಸಮಾಧಿಯನ್ನು ಕೃಷ್ಣ ತಳಸ್ಪರ್ಶಿಯಾಗಿ ವಿವರಿಸುತ್ತಾನೆ. ಯೋಗಭ್ಯಾಸ ಮಾಡಿ, ಭಗವಂತನ ಧ್ಯಾನಕ್ಕೆ ಪ್ರಯತ್ನಿಸಿ, ಕೆಲವು ಮೆಟ್ಟಲನ್ನೇರಿ ಯಾವುದೋ ಕಾರಣದಿಂದ, ಮನೋವಿಕ್ಷೇಪದಿಂದ ಅಥವಾ ಆಯಸ್ಸು ಮುಗಿದುದರಿಂದ, ಅಲ್ಲೇ ಅದನ್ನು ನಿಲ್ಲಿಸಿದವನ ಸಾಧನೆ ಎಂದೂ […]

ತಾವೋ ತಿಳಿವು #80 ~ ಕೊನೆಯ ಕಂತು

ತಾವೋ ಪ್ರವರ್ತಕ ಲಾವೋತ್ಸುವಿನ ‘ತಾವೊ ತೆ ಚಿಂಗ್’ ಅಥವಾ ‘ದಾವ್ ದ ಜಿಂಗ್’ ಅನ್ನು ಅರಳಿ ಬಳಗದ ಲೇಖಕ ಚಿದಂಬರ ನರೇಂದ್ರ ಕನ್ನಡಕ್ಕೆ ತಂದಿದ್ದಾರೆ. ಕಳೆದ  ನಾಲ್ಕು ತಿಂಗಳಿನಿಂದ 79 ಕಂತುಗಳಲ್ಲಿ ಈ ಅನುವಾದವನ್ನು ಪ್ರಕಟಿಸಿದ್ದು, ಇಂದಿನದು ‘ತಾವೋ ತಿಳಿವು’ ಸರಣಿಯ ಕೊನೆಯ ಕಂತು. ಮುಂದಿನ ದಿನಗಳಲ್ಲಿ ಖಲೀಲ್ ಗಿಬ್ರಾನ್’ರ ‘ಪ್ರವಾದಿ’ ಕೃತಿಯು ಚಿದಂಬರ ನರೇಂದ್ರ ಅವರು ಅನುವಾದದಲ್ಲಿ ಪ್ರಕಟವಾಗಲಿದೆ.  ಓದುಗರ ಆಸಕ್ತಿ ಮತ್ತು ಪ್ರೀತಿಗೆ ಶರಣು ~ ಅರಳಿ ಬಳಗ ಅಧಿಕಾರ ಚಲಾಯಿಸುವ ಹುಕಿ ಇಲ್ಲದಿರುವುದರಿಂದ ಸಂತ […]

ಮಧುರ ಭಕ್ತಿಯ ಅಸೀಮ ಶಕ್ತಿ

ಭಕ್ತಿ ಒಂದು ವಿಶಿಷ್ಟ ಭಾವ ವಿಶೇಷ. ಅದು ಶ್ರದ್ಧೆ, ಬದ್ಧತೆಗಳ ಮೇಲೆ ಪ್ರಕಟಗೊಳ್ಳುತ್ತದೆ. ಅಲ್ಲಿ ತರ್ಕಕ್ಕೆ, ವಿಚಾರಕ್ಕೆ ಆಸ್ಪದವಿಲ್ಲ. ಹಾಗೆಂದೇ ಕೂದಲೆಳೆಯ ದೋಷ ಉಂಟಾದರೂ ಭಕ್ತಿಯು ಭಯೋತ್ಪಾದಕವಾಗುತ್ತದೆ. ಈ ಭಕ್ತಿಗೆ ಪ್ರೇಮವನ್ನು ಬೆರೆಸಿದರೆ ಉಂಟಾಗುವ ಮಾಧುರ್ಯ ನಮ್ಮನ್ನು ಕರ್ಮಠತೆಯಿಂದ ಹೊರತಂದು ಸಲಹುತ್ತದೆ ~ ಸಾ.ಹಿರಣ್ಮಯಿ ಬಹುಶಃ ಮಾನವ ತನ್ನ ಬದುಕನ್ನು ಸಹ್ಯವೂ ಸುಂದರವೂ ಆಗಿಸಿಕೊಳ್ಳಲು ಕಂಡುಕೊಂಡ ಮಾರ್ಗಗಳಲ್ಲೇ ಅತ್ಯುನ್ನತವಾದದ್ದು ಪ್ರೇಮ. ಇದರ ನಂತರದಲ್ಲಿ ಬರುವುದು ‘ಭಕ್ತಿ’. ಜಗತ್ತನ್ನು ಬೆಸೆಯಬಲ್ಲ ಕೊಂಡಿಗಳೇನಾದರೂ ಇದ್ದರೆ ಅವು ಪ್ರೇಮ ಮತ್ತು ಭಕ್ತಿಗಳಷ್ಟೆ. ಇವು ಅತ್ಯಂತ […]

ಬೆಕ್ಕ ಲೀ ಹೇಳಿದ್ದು : ಅರಳಿಮರ poster

ನೀವು ಶಾಂತಿಯನ್ನು ಅರಸುತ್ತಿದ್ದಲ್ಲಿ, ಅಚಲರಾಗಿರಿ. ನೀವು ಜ್ಞಾನವನ್ನು ಅರಸುತ್ತಿದ್ದಲ್ಲಿ, ಮೌನವಾಗಿರಿ. ನೀವು ಪ್ರೇಮವನ್ನು ಅರಸುತ್ತಿದ್ದಲ್ಲಿ, ನೀವು ನೀವೇ ಆಗಿರಿ ~ ಬೆಕ್ಕ ಲೀ